Seydou Doumbia kom inn af krafti.
CSKA 2 - 2 Manchester City
0-1 Sergio Aguero ('29 )
0-2 James Milner ('38 )
1-2 Seydou Doumbia ('64 )
2-2 Bebras Natcho ('86 , víti)
0-1 Sergio Aguero ('29 )
0-2 James Milner ('38 )
1-2 Seydou Doumbia ('64 )
2-2 Bebras Natcho ('86 , víti)
Vandræði Manchester City í Meistaradeildinni halda áfram en liðið tapaði í dag niður tveggja marka forystu gegn CSKA í Moskvu.
City er því án sigurs eftir þrjá leiki, er með tvö stig en CSKA er með eitt. Roma sem á leik inni gegn Bayern München í kvöld hefur fjögur stig en Bæjarar hafa unnið báða leiki sína í riðlinum.
Sergio Aguero kom Manchester City yfir eftir 29 mínútna leik en Edin Dzeko renndi þá boltanum á hann. James Milner bætti svo öðru marki við fyrir hálfleik.
Á 64. mínútu hleypti varamaðurinn Seydou Doumbia spennu í leikinn með því að skora. Hann krækti í vítaspyrnu þegar hann féll í teignum eftir viðskipti við Aleksandar Kolarov. Afar strangur dómur, líklega rangur.
Bebras Natcho fór á punktinn og skoraði með góðri spyrnu, Joe Hart fór í rétt horn en kom engum vörnum við.
Athugasemdir
