Milos Milojevic, þjálfari Víkings R., hrósaði sínum mönnum fyrir að koma til baka af krafti eftir niðurlæginguna gegn Val á dögunum.
„Eina sem ég bað strákana um að gera var að svara með sigri. Við áttum sigurinn skilið miðað við framlag leikmanna en spilalega séð hefði jafntefli verið sanngjörn úrslit. Ég get ekki tekið það af Eyjamönnum að þeir voru sprækir," segir Milos.
Víkingar steinlágu fyrir Val í síðustu umferð 7-0 en svöruðu því með dramatískum 2-1 sigri á ÍBV í kvöld.
„Það situr enn í mönnum en ég bað þá um að gleyma þessum leik þar til eftir tímabilið og þá eigum við að sjálfsögðu að rifja hann upp. Það er súrt og þetta svíður en það var eins gott að við unnum núna og sýndum að þetta var bara slæmur dagur," segir Milos.
Nánar er rætt við Milos í spilaranum hér fyrir ofan.
Athugasemdir