Tveir leikir fóru fram í Inkasso-deildinni og voru það leikir Fylkis og Selfoss í Árbænum og Leiknis og Hauka í Breiðholtinu en þeim var að ljúka rétt í þessu,
Í toppslagnum í Árbænum voru það heimamenn sem voru sterkari aðilinn í leiknum og komumst þeir yfir á 28. mínútu með marki frá Alberti Brynjari Ingasyni.
Staðan var 1-0 fyrir Fylki fram að 40. mínútu þegar Albert Brynjar fékk boltann á ný og skilaði honum í netið og kom sínu liði í 2-0 en þannig var staðan í hálfleik.
Í seinni hálfleiknum róaðist leikurinn aðeins niður en hvorugu liðinu tókst að skora og því fóru leikar 2-0 fyrir toppliði Fylkis.
Í leik Leiknis og Hauka var ekki mikið sem að gerðist en hvorugu liðinu tókst að skora í leiknum og skildu liðin því jöfn.
Eftir leiki kvöldsins er Fylkir komið með 19 stig og heldur sér í 1.sætinu, Selfoss situr enn í 4.sæti með 13 stig, Leiknir fer í 10 stig og er í 6.sætinu og að lokum erum Haukar komnir einnig með 10 stig og fara upp í 7.sætið.
Fylkir 2 - 0 Selfoss
1-0 Albert Brynjar Ingason (28´)
2-0 Albert Brynjar Ingason (40´)
Lestu nánar um leikinn
Leiknir R. 0 - 0 Haukar
Lestu nánar um leikinn
Athugasemdir