Guðjón Baldvinsson, leikmaður Stjörnunnar, gerði þrjú mörk er lið hans vann Grnidavík 5-0 í 12. umferð Pepsi-deildar karla í kvöld. Guðjón er kominn með átta mörk í níu leikjum.
Lestu um leikinn: Stjarnan 5 - 0 Grindavík
Baldur Sigurðsson kom Stjörnumönnum á bragðið með umdeildu marki strax á fyrstu mínútu og stóðu leikar þannig í hálfleik. Í þeim síðari mætti Guðjón tvíefldur til leiks og gerði þrennu á tólf mínútum og sá Grindavík ekki til sólar eftir það.
„Þetta gerðist rosalega hratt og það leit út fyrir það að ég væri ekki að fara að skora í þessum leik. Ég náði að fylgja góðu skoti Eyjó eftir og þá byrjaði þetta að tikka," sagði Guðjón.
„Við ætluðum að halda áfram að gera það sem við vorum að gera í fyrri. Ef þú drepur ekki leikinn alveg þá nær hitt liðið að skora og refsa manni og við vorum ákveðnir í því að drepa leikinn."
„Þetta er lið í öðru sæti og við vitum hvað þeir geta en við vorum ákveðnir í að eiga góðan leik í dag."
Guðjón átti skotið sem varð að fyrsta marki leiksins er Baldur skoraði en Baldur virtist fara með sólann í markvörð Grindavíkur áður en hann skoraði. Guðjón sá ekki atvikið.
„Ég fór upp í skot og datt illa og sá ekki, markið þannig ég þarf að fá að skoða það," sagði hann í lokin.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir