„Ísland var þá nýbúið að vinna Holland og koma öllum á óvart. Ég sá liðið, spjallaði við nokkra leikmenn og sérstaklega þá sem spila í ensku deildinni," sagði Gary sem segist á þeim tíma hafa séð að Ísland gæti farið á EM og gert góða hluti.

„Já, klárlega, þið voruð að spila vel þá. Þið slökuðuð kannski á þegar þið voruð komnir áfram því liðið náði ekki eins góðum úrslitum eftir það. Ég sá leikinn gegn Belgíu og það var jafn leikur og liðið var að spila eins og ein heild. Það er erfitt að vinna ykkur og England hefur átt í erfiðleikum með lið sem er erfitt að vinna. Lið eins og Rússland, Slóvakía og Wales."

Telur að Ísland geti gert eins og Leicester
Gary segir að íslenska liðið geti farið ennþá lengra á mótinu en hann hefur mikla trú á liðinu.

„Þeir geta gert eins og Leicester, þeir unnu Úrvalsdeildina þegar engum datt það í hug og engum datt í hug að Ísland getur unnið EM en Grikkland gerði það á móti heimamönnum í úrslitum. Furðulegir hlutir hafa gerst."

Við spurðum Gary út í hans skoðun á enska landsliðinu í dag.

„Þeir eru allt í lagi, leikmenn Tottenham eru að koma í gegn og ungu leikmennirnir eru góðir, það er spurning hvort Wayne Rooney sé að spila í réttri stöðu. Vörnin er ekki eins sterk og hún hefur verið. Það vantar að búa til betri færi. Við höfum skapað mikið af færum en við verðum að klára þau. Við hefðum getað spilað í allan dag á móti Slóvakíu og ekki skorað."

„Þetta verður jafnt og þetta verður engan vegin auðvelt. England hefur spilað illa í milvægum leikjum og þeir hafa verið að æfa vítaspyrnur. Þeir halda kannski að þetta verði svo jafnt að þetta endar í vítapsyrnukeppni," sagði Gary en hverjir eru bestu leikmenn Englands að hans mati?

„Tottenham leikmennirnir eru að standa sig vel. Harry Kane er þreyttur, það er vandamál. Delli Alli er góður. Sturridge er líklegast besti framherjinn okkar ef hann byrjar en hann hefur ekki verið að byrja. Jamie Vardy vill sanna sig eftir að hafa ekki byrjað fyrstu tvo leikina og svo augljóslega Wayne Rooney. Hann er líklegast eini heimsklassa leikmaðurinn í liðinu núna."

„Allir munu leita af ástæðum til að styðja Ísland"
Hann var spurður út í viðbrögð ensku þjóðarinnar ef Ísland hefur betur á mánudag. „Allir munu leita af ástæðum og forfeðrum til að styðja Ísland," sagði Gary léttur.

„Síðast þegar við unnum eitthvað var 1966 og við höldum áfram að tala um það. Það er vandamál hvað ensku úrvalsdeildinni gengur vel, það er mikið af útlendingum í henni og minna af Englendingum að komast í gegn. Við erum ekki að framleiða eins góða leikmenn og við vorum að gera. Við erum með gott byrjunarlið en þeir eru ekki allir í heimsklassa."

Við fengum hann að lokum til að spá hvernig leikurinn á mánudaignn fer. „1-0, ég veit ekki fyrir hverjum," sagði Gary brosandi.

Viðtalið má sjá í heild sinni hér að ofan.

Fótbolti.net er með öflugt teymi á Evrópumótinu og færir ykkur fjölmargar fréttir daglega. Einnig er fylgst grannt með gegnum helstu samskiptamiðla.
- Vertu með okkur á Twitter með því að nota kassamerkið #fotboltinet fyrir færslur um mótið.
- Fótbolti.net á Snapchat: Fotboltinet
- Fótbolti.net á Instagram: Smelltu hér til að sjá .Net á Instagram.
Fótbolti.net á Facebook: Smelltu hér til að fara á heimasvæði Fótbolta.net á Facebook.

FARÐU Á EM SÍÐU FÓTBOLTA.NET