„Það er vægast sagt að segja að þetta sé afleitt," sagði Jóhannes Karl Guðjónsson þjálfari HK eftir 2-7 tap heima gegn Leikni Fáskrúðsfirði í lokaleik Inkasso deildarinnar í dag.
Lestu um leikinn: HK 2 - 7 Leiknir F.
„Þetta var ekki nærri því nógui góður leikur. Það er auðvelt að lýsa því, en það sem ég er svekktastur með er að menn geta átt slæma daga í fótbolta, og geta átt misjafna frammistöðu, en í heildina er ég mjög ósáttur við allt í okkar leik. Ég er mjög svekktur yfir þessu, ég get ekki sagt annað."
Leikurinn hafði enga þýðingu fyrir HK sem gat ekki fallið úr deildinni en Leiknir F. bjargaði sér með þesum sigri.
„Ég er þannig gerður að í mínum huga er ekki til sá fótboltaleikur sem skiptir ekki máli. Hvort sem það er á æfingu eða í skólanum eða hérna í Kórnum. Í mínum huga er enginn fótboltaleikur sem skiptir ekki máli. Það er ekki til í mínum huga að þessi leikur skipti ekki máli."
Jóhannes Karl tefldi fram sínu sterkasta liði utan þess að hann skipti um markvörð, Andri Þór Grétarsson leysti stöðu Arnars Freys Ólafssonar aðalmarkmanns sem fór á bekkinn.
„Andri er ungur og efnilegur markmaður. Hörkugóður markmaður, mig langaði að gefa honum tækifæri. Ég man ekki alveg hvernig öll þessi mörk voru, en get ekki betur séð en að Andri hafi staðið fyrir sínu í markin og ekki átt neina sök í mörkunum að mínu viti."
Með þessu stóra tapi réði HK í raun úrslitum um fall í mótinu því það dugði Leikni F til að bjarga sér.
„Súr er ekki orð sem lýsir því nógu vel hvernig mér líður núna. Það er fullt af tilfinningum að berjast um í brjósti mér. Ég er að reyna að halda ró minni eins og ég get. Þetta er mjög sérstakt og skrítinn leikur, og óásættanleg úrslit."
Athugasemdir