Lars Lagerback.
Landsliðsþjálfarinn, Lars Lagerback, er ánægður með standið á liðinu eins og það er núna en Fótbolti.net spjallaði við Svíann fyrir æfingu liðsins á Laugardalsvelli í dag.
Hann segir þó erfitt að svara því þar sem tæpur helmingur leikmanna er kominn til landsins á meðan aðrir eru enn hjá félagsliðum sínum.
Hann segir þó erfitt að svara því þar sem tæpur helmingur leikmanna er kominn til landsins á meðan aðrir eru enn hjá félagsliðum sínum.
„Það er svolítið erfitt að svara því, það eru margir leikmenn sem eru í burtu og við þurfum að bíða þangað til eftir helgi en þetta lítur vel út með þá leikmenn sem eru hér, ég er mjög sáttur með hvernig þeir líta út á æfingum. Aron er næstum farinn að æfa á fullu en Kolbeinn er ennþá smá spurningamerki."
Liðið fékk U-17 landsliðið til að æfa með sér í gær og var Lars ánægður með strákana.
„Það var sniðugt, það var hugmyndin hans Heimis. Við vildum fá fleiri á æfingu svo við gætum einbeitt okkur betur að því sem við vildum gera og þeir voru mikið betri en ég hélt."
Hann segir alla vera heila sem enn eiga eftir að koma til móts við liðið og segir Arnór Inga eiga að vera í lagi.
„Eina spurningin er Arnór Ingvi, hann var eitthvað meiddur í löppinni og það er ekki víst að hann spili um helgina en hann ætti að vera í lagi."
Hann segir hlutina hafa gengið vel hingað til og er spenntur.
„Mér líður vel, það væri betra að hafa alla hérna en svona er þetta. Plönin hafa gengið eftir og ég sé ekkert neikvætt í gangi núna."
Athugasemdir
