Það verður sannkölluð knattspyrnuveisla á Íslandi í dag.

Fimm leikir eru á dagskrá í Pepsi-deild karla. Eyjamenn heimsækja Keflvíkinga í fyrsta leik dagsins í deildinni. Norðanmenn í KA koma í bæinn þar sem KR-ingar bíða þeirra. Þá er Reykjavíkurslagur í Fossvoginum þar sem Víkingur og Fjölnir etja kappi.

Stjarnan tekur á móti Grindavík í kvöld en síðasti en alls ekki sísti leikur dagsins er stórleikur Vals og Breiðabliks. Þar er um að ræða topplið deildarinnar og Íslandsmeistarana en leikurinn fer fram á Origo vellinum, heimavelli Vals.

Blikar eru fyrir umferðina á toppi deildarinnar með 11 stig en Grindavík og FH fylgja fast á eftir með einu stigi minna.

Í Pepsi-deild kvenna fara Íslandsmeistararnir í Kaplakrika og keppa við FH. Þór/KA hefur unnið alla fjóra leiki sína í sumar en FH hefur aðeins unnið einn.

Þá eru fjórir leikir á dagskrá í Inkasso-deild kvenna og einn í 2. deild kvenna.

Að lokum verður einn leikur spilaður í 2.deild karla en sá leikur fer fram á Ísafirði er Vestri tekur á móti Aftureldingu úr Mosfellsbæ.