Andri Rúnar Bjarnason, framherji Grindvíkinga, hefur farið hamförum í Pepsi-deildinni í sumar en hann er markahæstur í deildinni með níu mörk.
Andri Rúnar hefur greint frá því í viðtölum að hann hafi horft mikið á NBA í gegnum tíðina og tekið þátt í Draumaliðsdeild í tengslum við hana af mikilli alvöru.
Hæfileikar hans í Draumaliðsdeildum virðast líka vera í fótboltanum því Andri er í 4. sæti af 5000 þátttakendum í Draumaliðsdeild Eyjabita!
Andri er að sjálfsögðu með sjálfan sig í liðinu og auðvitað er hann með fyrirliðabandið! Fyrirliðinn fær tvöföld stig fyrir hverja umferð.
Leyfilegt er að vera með þrjá leikmenn úr sama liðinu og Andri velur liðsfélaga sína Alexander Veigar Þórarinsson og Kristijan Jajalo í lið sitt.
Alex Freyr Hilmarsson, Halldór Smári Sigurðsson og Ívar Örn Jónsson, fyrrum liðsfélagar Andra úr Víkingi R, eru einnig allir í liðinu.
Hér til hliðar má sjá liðið hjá Andra en hér að neðan má sjá heimsókn til hans og kærustu hans Rakel Hönnudóttur.
Athugasemdir