Áhugaverð uppákoma átti sér stað er Dean Keates þjálfaði Wrexham í fyrsta skipti um helgina.
Wrexham mætti þá Barrow í utandeildinni en Keates ærðist úr fögnuði er Wrexham komst yfir og kýldi hann aðstoðarmann sinn, Andy Davies í andlitið í fagnaðarlátunum.
Það var hins vegar ekki nóg þar sem hann fór úr fingurlið er Wrexham skoraði annað mark sitt í leiknum í svipuðum fagnaðarlátum. Barrow tókst hins vegar að jafna og endaði leikurinn með 2-2 jafntefli.
„Ég endaði á að kýla Andy Davies í andlitið þegar við skoruðum fyrsta markið og ég datt úr lið á puttanum þegar við skoruðum annað markið. Læknir félagsins þurfti að kippa mér aftur í lið," sagði Keates.
Athugasemdir