Rúnar Alex Rúnarsson fékk sex rétta þegar hann spáði í síðustu umferð í ensku úrvalsdeildinni.

Logi Ólafsson, þjálfari Víkings R, settist í spámannssætið að þessu sinni.

---

Tottenham 2 - 2 Liverpool (11:30 á morgun)
Ef hann verður edrú í markinu þá held ég að leikurinn fari 2-2.

Bornemouth 1 - 0 Leicester (14:00 á morgun)
Þetta verður mjög jafn leikur.

Chelsea 2 - 0 Cardiff (14:00 á morgun)
Ég hef trú á því að Chelsea vinni nokkuð sannfærandi. Þetta verður opinn leikur þrátt fyrir allt.

Huddersfield 1 - 1 Crystal Palace (14:00 á morgun)
Ég held að þetta verði jafn leikur og þau sættast á skiptan hlut.

Manchester City 4 - 1 Fulham (14:00 á morgun)
Þetta verður enn einn sannfærandi sigurinn hjá City. Þó að Fulham hafi gengið ágætlega í upphafi þá verður þetta 4-1.

Newcastle 1 - 0 Arsenal (14:00 á morgun)
Ég get verið sammála mörgum sem hafa tjáð sig um Arsenal að það er ekki mikill munur hjá nýjan þjálfaranum frá því að þeir voru með Wenger. Ég held að Benítez komi með eitthvað útspil og Newcastle vinni 1-0.

Watford 0 - 2 Manchester United (16:30 á morgun)
Mínir menn í United hafa ekki staðið sig neitt sérstaklega vel. Ég hef hrifist af Watford liðinu. Þeir spila á háu tempói og eru röskir. Þetta er óskhyggjublönduð spá.

Wolves 2 - 1 Burnley (12:30 á sunnudaginn)
Úlfarnir hafa verið sprækir í upphafi og á meðan Jóhann Berg Guðmundsson er fjarverandi þá tapar Burnley leikjum.

Everton 1 - 0 West Ham (15:00 á sunnudaginn)
Ég vona svo sannarlega að Everton, með Gylfa í fararbroddi, vinni leikinn. Gylfi gerir sigurmarkið.

Southampton 2 - 1 Brighton (19:00 á mánudaginn)
Ég vona að það verði ekki mánudagur í mönnum og leikurinn verði skemmtilegur. Sem gamall aðdáandi Mark Hughes vona ég að Southampton vinni.

Fyrri spámenn:
Kjartan Atli Kjartansson (6 réttir)
Rikki G (6 réttir)
Rúnar Alex Rúnarsson (6 réttir)
Berglind Björg Þorvaldsdóttir (3 réttir)

Tweet

Senda a Facebook Hafdu samband Senda frétt Prenta frétt Frétta leit