Samsung völlurinn
mánudagur 14. júlí 2014  kl. 19:15
Pepsi-deild kvenna 2014
Dómari: Karel Fannar Sveinbjörnsson
Stjarnan 5 - 0 ÍA
1-0 Harpa Þorsteinsdóttir ('8)
2-0 Harpa Þorsteinsdóttir ('21)
3-0 Írunn Þorbjörg Aradóttir ('33)
4-0 Harpa Þorsteinsdóttir ('43)
5-0 Írunn Þorbjörg Aradóttir ('56)
Myndir: Fótbolti.net - Tomasz Kolodziejski
Byrjunarlið:
1. Sandra Sigurðardóttir (m)
0. Harpa Þorsteinsdóttir ('67)
4. Glódís Perla Viggósdóttir
5. Írunn Þorbjörg Aradóttir ('82)
6. Lára Kristín Pedersen
7. Ásgerður Stefanía Baldursdóttir (f)
9. Sigrún Ella Einarsdóttir
9. Kristrún Kristjánsdóttir ('62)
10. Anna María Baldursdóttir (f)
17. Rúna Sif Stefánsdóttir
19. Anna Björk Kristjánsdóttir

Varamenn:
1. Berglind Hrund Jónasdóttir
5. Maegan Kelly
11. Elva Friðjónsdóttir ('67)
18. Heiðrún Ósk Reynisdóttir
24. Bryndís Björnsdóttir ('62)

Liðstjórn:

Gul spjöld:

Rauð spjöld:
@arnardadi Arnar Daði Arnarsson
Hörpuvagninn með áætlunarferðir í mark andstæðingana
Það var ósennilegt að leikur Stjörnunnar og ÍA í Pepsi-deild kvenna yrði jöfn og spennandi fyrir fram. Stjarnan á toppi deildarinnar með 21 stig á meðan nýliðarnir frá Skaganum sátu á botni deildarinnar án stiga og einungis búnar að skora fjögur mörk í sumar.

Það tók Hörpu Þorsteinsdóttur aðeins átta mínútur að koma Stjörnunni yfir. Harpa sem hefur farið á kostum í sumar og sýnt mikla yfirburði getur ekki hætt að skora. Hún bætti við öðru marki sínu á 20. mínútu og hún skoraði síðan fjórða mark Stjörnunnar og þriðja mark sitt á 40. mínútu. Harpa er komin með 16 mörk eftir níu umferðir. Tíu mörkum meira en næstu leikmenn í deildinni.

Í milli tíðinni hafði Írunn Þorbjörg Aradóttir skorað þriðja mark Stjörnunnar. Írunn átti flottan leik í liði Stjörnunnar eins og flestar í bláa búningnum en hún hefur verið inn og útúr Stjörnuliðinu í síðustu leikjum en hún sýndi það í kvöld að hún getur vel leikið á stóra sviðinu.

Írunn bætti við öðru marki sínu í leiknum, fimmta marki Stjörnunnar og síðasta marki leiksins á 56. mínútu. Eftir það mark róaðist leikurinn töluvert og voru heimastelpur gott sem saddar.

Skagaliðið fékk 2-3 tækifæri í fyrri hálfleiknum til að gera sig líklegar en það vantaði herslumuninn. Í seinni hálfleik sýndu þær betri varnarleik en voru aldrei líklegar í sóknarleiknum. Það var því rólegur dagur hjá Söndru Sigurðardóttur í marki Stjörnunnar.

Stjörnuliðið sýndi það vel í kvöld að það er mikill getumunur á þessum liðum. Þær voru rólegar á boltanum, fengu nægan tíma og hefðu hæglega átt að bæta við fleiri mörkum í leiknum.

Ólafur Þór þjálfari liðsins gat leyft sér að taka Hörpu útaf um miðjan seinni hálfleik og Meagan Kelly var á bekknum allan leikinn. Framundan eru tveir hörkuleikir hjá Stjörnunni gegn Breiðablik í deild og bikar. Breiðablik er einmitt eina liðið sem hefur unnið Stjörnuna í sumar.
Byrjunarlið:
12. Caitlin Updyke (m)
0. Heiðrún Sara Guðmundsdóttir
6. Ingunn Dögg Eiríksdóttir ('67)
7. Unnur Ýr Haraldsdóttir (f)
8. Gréta Stefánsdóttir ('46)
9. Maren Leósdóttir
10. Bryndís Rún Þórólfsdóttir (f) ('54)
13. Valdís Marselía Þórðardóttir
14. Guðrún Karítas Sigurðardóttir
15. Laken Duchar Clark
20. Madison Gregory

Varamenn:
3. Alexandra Björk Guðmundsdóttir
5. Aníta Sól Ágústsdóttir
13. Birta Stefánsdóttir ('54)
16. Veronica Líf Þórðardóttir
21. Margaret Neiswanger ('67)

Liðstjórn:
Eyrún Eiðsdóttir
Aldís Ylfa Heimisdóttir

Gul spjöld:

Rauð spjöld: