Kári Snorrason @karisnorra

- Meðalaldur 30 ár

- Meðalaldur 23 ár

Textalýsing Skýrslan

Hvað réði úrslitum? Valsmenn byrjuðu leikinn frá fyrstu mínútu og höfðu yfirhöndina allan fyrri hálfleikinn. Þar náðu þeir að komast í 3-0 forystu og nánast gera út um einvígið. Í síðari hálfleik komust Flora-menn betur í leikinn en sköpuðu sér þó varla nein færi af viti. Sanngjarn og öruggur sigur Valsmanna. Bestu leikmenn 1. Tómas Bent Magnússon Verð að gefa Tómasi þetta, skoraði tvennu og var flottur svo í barningnum á miðjunni í seinni hálfleik. 2. Jónatan Ingi Jónsson Jónatan hefði hæglega getað verið maður leiksins, Eistarnir réðu ekkert við dansana á hægri kantinum sem hann bauð þeim í. Atvikið Ég hafði mjög gaman að því þegar Tómas Bent skoraði óvænt sitt annað mark og Bent nálgast með XXX-Rottweiler hundum fór í gang í græjunum á Hlíðarenda.

Hvað þýða úrslitin? Valsmenn hafa nú unnið sex leiki í röð og eru í afar álitlegri stöðu til að tryggja sér í aðra umferð í forkeppni Sambandsdeildarinnar. Vondur dagur Eistarnir áttu erfitt uppdráttar og þá sérstaklega í fyrri hálfleik. Ég vil þó henda þessu á einhverja úr framlínu liðsins, þar sem þeir voru alveg hræðilega bitlausir þrátt fyrir yfirburði liðsins í seinni hálfleik. Sappinen, Kuraksin og Rölvassepp gerið betur! Dómarinn - 9 Held það sé ekkert við Norsarana að sakast, heilt yfir flottir.