Tvö mörk Stjörnustúlknanna snemma leiks voru ákveðið rothögg fyrir Árbæingana sem reyndu að nýta sér óöryggi Stjörnunnar snemma leiks.

Annað mark Stjörnunnar var skuldlaust það mark sem litaði leikinn mest hvað varðar spilamennsku Fylkisliðsins sem virtist spila með hangandi haus restina af fyrri hálfleiknum

Gríðarlega sterkur sigur fyrir Íslandsmeistarana í titilvörn sinni. Þó er enn stutt liðið á mótið en Stjörnustelpurnar líta hrikalega vel út eftir tvær umferðir.

Það er erfitt að henda þessum titli á einhverja eina í liði Fylkis en Eva Ýr hefði getað gert miklu betur í marki Fylkis. Bæði hvað varðar staðsetningar og vörslur þar sem ekkert mark Stjörnunnar var einhver negla. Lovísa Sólveig kemur einnig til greina úr liði Fylkis. Það er eiginlega ekki hægt að skella þessum titli á Jörund Áka þar sem hann virtist leggja leik liðs síns ágætlega upp eftir seinni hálfleikinn.

Hafði góð tök á leiknum. Gerði engar alvarlegar skissur, enda tíðindalítill leikur í bókinni hjá Óla Njáli.