Þróttarar áttu fína spretti í fyrri hálfleik og voru grimmir og ákveðnir. Sofandaháttur í vörninni skilaði sér hins vegar í marki. Andri Adolphsson tvöfaldaði forystu Vals snemma í seinni hálfleik og þá vissu heimamenn að þetta yrði erfitt. Tvö mörk með stuttu millibili síðar í leiknum kláruðu þetta gjörsamlega. Hins vegar átti Þróttur klárlega færi til að skora en stundum detta hlutirnir ekki fyrir liðin sem minna mega sín.

Þriðja mark Vals. Arnar Darri óð út í fáránlegt skógarhlaup og sló boltann beint til Kristins sem skoraði. Erfitt að ímynda sér hvað Arnar Darri var að hugsa þarna. Þróttarar áttu enn séns áður en markið kom en urðu algerlega loftlausir í kjölfar þess.

Valur er í 5. sætinu með 25 stig, einungis tveimur stigum frá 2. sætinu og níu stigum frá toppliði FH. Þróttur situr sem fastast frá botninum með 8 stig, níu stigum frá öruggu sæti, og hlutirnir farnir að líta ansi illa út. Þeir eru svo gott sem fallnir.

Arnar Darri Pétursson leit hræðilega út í tveimur mörkum Valsmanna. Frábær á milli stanganna þegar sá gállinn er á honum en hefur allan sinn feril verið skelfilega mistækur inn á milli.

Ívar átti fínan leik.