Einar Kristinn Kárason @einarkarason

Textalýsing Skýrslan Viðtöl

Hvað réði úrslitum? Eins og Willum orðaði það best í viðtali eftir leik þá mættu Eyjamenn tilbúnir í stríð og einfaldlega vildu þetta meira. KR-ingum gekk illa að byggja upp sóknir og virtust sóknir þeirra oft tilviljanakenndar þar sem boltanum var sparkað upp í loft í þeirri von um að færi skapaðist. Bestu leikmenn 1. Sindri Snær Magnússon Miðjumaðurinn hárprúði átti glimrandi leik í dag. Skoraði 2 mörk. Það fyrra stórglæsilegt og það síðara breikkaði bilið milli liðana strax í byrjun síðari hálfleiks. Fór svo niður í 3 manna varnarmúr ÍBV og hirti allt sem þangað kom. 2. Matt Garner Vann ófáa skallaboltana (sem voru margir) og kom boltanum vel frá sér. Hann og Felix vinna vel saman vinstra megin í vörn Eyjamanna. Matt bjargaði eitt sinn tvívegis þegar KR-ingar voru virkilega nálægt því að minnka muninn þegar rúmlega 10mínútur voru eftir leiks. Leikurinn hefði getað þróast öðruvísi ef ekki hefði verið fyrir góðan varnarleik Matt. Atvikið Fyrra mark Sindra Snæs og annað mark ÍBV í leiknum. Ekki bara hversu fallegt markið var heldur var það þýðingarmikið hvernig leikurinn var að þróast. Fram að öðru markinu höfðu gestirnir sótt mun meira og virtust líklegri. Mark Sindra gaf þeim 2 marka kodda ásamt því að slá KR utanundir með blautri tusku.

Hvað þýða úrslitin? Eyjamenn færast upp töfluna í 6. sæti á meðan KR detta niður í 10. sæti. Deildin mjög þétt. Vondur dagur Af mörgum að taka en Kennie fær þetta. Hann átti mjög erfitt uppdráttar allan leikinn og fékk ekki mörg færi. Endaði svo á að spila sem aftasti maður eftir að Guðmundur Andri kom inná. Nældi sér í gult kort í leiðinni. Dómarinn - 7 Fínn leikur hjá Pétri. Stúkan vildi fá meira Eyjamönnum í hag, en þetta var ágætis frammistaða að mínu mati.