KR skoraði glæsilegt mark úr aukaspyrnu í fyrri hálfleik og vörðust einfaldlega bara vel eftir það. Stjörnumenn voru bitlausir í sóknarleiknum og það vantaði eitthvað uppá svo að þeir gætu skorað mörk í dag.

Markið hans Óskars var gjörsamlega geggjað og var það sem að skar útum þennan leik í dag.

Stjörnumenn missa Val frammúr sér eftir úrslit dagsins og eru komnir niður í annað sæti. KR-ingar lyfta sér hins vegar uppí fjórða sæti með sigrinum. Þetta var fyrsti leikur Stjörnunnar í sumar þar sem að þeir skora ekki mark.

Sóknarlína Stjörnunnar eins og að hún leggur sig. Voru bitlausir í öllum sínum aðgerðum og vantaði alltaf nokkur prósent uppá. Hilmar Árni náði ekki að komast í takt við leikinn og þá var Guðmundur Steinn einnig slakur.

Þorvaldur stóð sig bara fínt. Engin stór atvik sem að hann þurfti að skera útum og hélt bara ágætri línu. Ekkert út á hann að setja.