Eftir góðar fyrstu 15 mínútur frá Skagamönnum tók Stjörnuliðið algjörlega yfir leikinn. Þeim gekk illa að skapa góð færi lengst af en þeir voru búnir að vera á banka á dyrnar þétt og örugglega það lengi að varnarmúrinn brast á endanum hjá ÍA. Það komu svo 3 mörk á 15 mínútna kafla sem gerði útaf við leikinn.

Fjórða markið hjá Stjörnunni drap allar vonir Skagamanna. Svo er spurning hvort Örvar brýtur á sér þegar hann togar í Ármann, Skagamönnum finnst það. Mér hefði hinsvegar fundist það frekar soft.

Stjarnan er komið á skrið í markaskorun og þeir eru með samtals 9 stig úr fyrstu 5 leikjunum. Það skilar þeim eins og er í 4. sætið í deildinni. ÍA er núna búið að tapa tveim leikjum í röð og eru með 6 stig úr 5 leikjum. Þeir eru því í 7. sæti.

Enginn sérstakur skúrkur í þessum leik. Jón Gísli gerir smá mistök í öðru marki Stjörnunnar sem kemur heimamönnum yfir. Hann átti ekkert sérstaklega slakan leik en þessi mistök komu opnaði varnarmúrinn sem hafði haldið svo vel.

Vel dæmt í heildina, engir risa dómar eða atvik í þessum leik og svo voru bara hófleg 6 spjöld í heildina. Öll rétt af mínu mati.