Fylkiskonur voru bara betri í dag og uppskáru 3-0 sigur. Þær voru mun hættulegri fram á við, voru yfir í baráttu um flesta bolta og virtust vilja þennan langþráða sigur meira.

Annað mark Fylkis sem kom rétt áður en flautað var til hálfleiks. Gerði verkefni vængbrotins liðs Þór/KA enn þyngra í síðari hálfleik.

Fylkir yfirgefur botnsætið og eru komnar með 10 stig líkt og Keflavík, KR og Stjarnan í 6.-9. sæti. Þór/KA er áfram í 3. sætinu eins og er en það gæti breyst ef Selfoss nær góðum úrslitum gegn Blikum, en sá leikur er enn í gangi.

Þetta var erfiður dagur hjá vængbrotnu Þór/KA liði. Hefði viljað sjá meira af lykilmönnum eins og Andreu Mist og Þórdísi. Harpa gerir klaufaleg mistök í þriðja marki Fylkis og það er aldrei gott fyrir markmann, en hún var þó búin að eiga góðan leik fyrir það.

Fín. Lítið hægt að setja út á dómara kvöldsins.