Mist Rúnarsdóttir @MistRunarsdotti

- Meðalaldur 12 ár

Textalýsing Skýrslan Viðtöl

Hvað réði úrslitum? Valsliðið leit virkilega vel út og frammistaða liðsins í kvöld var fagmannleg. Þær héldu skipulagi og náðu að láta boltann rúlla vel á milli nánast allan leikinn. KR-konur höfðu verið á góðu róli fyrir leik en virkuðu þreyttar í dag og voru aldrei líklegar þrátt fyrir fína baráttu. Úrslitin gefa líklega bara góða mynd af getumuni liðanna. Bestu leikmenn 1. Hlín Eiríksdóttir Vinnuhesturinn á hægri kantinum. Skapaði fullt af sénsum fyrir Val og skoraði tvö mörk. Fínasta dagsverk. 2. Dóra María Lárusdóttir Það er erfitt að taka út leikmenn í liðsframmistöðunni sem Valur sýndi í dag. Það munar þó sannarlega um tækni og útsjónarsemi Dóru Maríu þegar kemur að því að halda boltanum og hún sýndi gæði sín í dag. Þá má líka minnast á framlag Betsy Hasset hjá KR. Það var ekki að sjá að hún væri að spila þriðja leikinn á viku. Kom í stuði heim af HM og gerði vel við erfiðar aðstæður í dag. Atvikið Fyrsta mark Vals. Það var ljóst að róðurinn yrði alltaf erfiður ef KR lenti undir gegn toppliðinu á útivelli. Elín Metta skoraði fyrsta mark leiksins strax á 14 mínútu og þá var nokkuð ljóst í hvað stefndi.

Hvað þýða úrslitin? Æsispennandi og hnífjöfn toppbarátta Vals og Blika heldur áfram. Liðin eru bæði með 31 stig en Valskonur með 32 mörk í plús á móti 28 mörkum Blika. KR-ingar voru í 5. sæti fyrir stuttu en eru nú komnar niður í það áttunda. Botnbaráttan er ótrúlega jöfn og spennandi og hvert stig telur. Vondur dagur Laufey Björns átti heilt yfir fínan leik í varnarlínu KR. Gerði sig þó sek um slæm mistök í aðdraganda fyrsta mark Vals og tekur nafnbótina á sig fyrir þau. Dómarinn - 8 Ekki yfir neinu að kvarta.