Daníel Smári Magnússon @danielmagg77

- Meðalaldur 10 ár

Textalýsing Skýrslan Viðtöl

Hvað réði úrslitum? Það var korters langur kafli í fyrri hálfleik sem kláraði þetta fyrir Keflavík. Leikurinn hafði verið í góðu jafnvægi og Þórsarar átt nokkrar hættulegar skyndisóknir áður en Keflavík jafnaði en þeir virtust slegnir algjörlega útaf laginu þegar að Joey Gibbs jafnaði. Eftir það virtust Keflvíkingar líklegri til að bæta við, sem og þeir gerðu. Nacho Heras kom þeim yfir áður en að Joey Gibbs kláraði leikinn með stórglæsilegu marki. Bestu leikmenn 1. Joey Gibbs Ofboðslega góður í fótbolta og er "x-factorinn" í þessu Keflavíkurliði. Hann skoraði tvö í dag og átti því risa þátt í sigri gestanna. 2. Davíð Snær Jóhannsson Virkilega gaman að fylgjast með honum á miðjunni í dag, sérstaklega í fyrri hálfleik. Hann sér sendingarleiðir sem aðrir sjá ekki og er góður í að þræða boltann á milli línanna. Spilaði mjög vel í dag. Atvikið Þriðja mark Keflavíkur. Joey Gibbs skoraði þá með bylmingsskoti fyrir utan vítateig Þórs, alveg út við stöng. Hann gjörsamlega smellhitti boltann og Keflvíkingar ærðust af fögnuði.

Hvað þýða úrslitin? Keflavík koma sér upp í 2. sæti deildarinnar með 27 stig, fjórum stigum á eftir Frömurum og eiga leik til góða á liðin í kringum sig. Þeir eru því í bullandi séns á að koma sér í deild þeirra bestu á næsta ári. Þórsarar stimpluðu sig sennilega útúr toppbaráttunni sem hékk á bláþræði fyrir leikinn. Þeir eru nú 7 stigum frá 2. sætinu og virðast ekki hafa gæðin sem þarf til að klára Lengjudeildina. Vondur dagur Vörn Þórs leit ekki vel út í mörkum Keflavíkur. Hverju skal kenna nákvæmlega um er erfitt að segja, en þeir voru klaufalegir og óákveðnir í sínum aðgerðum. Það reyndist dýrt í dag. Dómarinn - 8 Ekkert út á Erlend að setja.

- Meðalaldur 11 ár