Baldvin Már Borgarsson @BaldvinBorgars

- Meðalaldur 8 ár

- Meðalaldur 21 ár

Textalýsing Skýrslan Viðtöl

Hvað réði úrslitum? KR-ingar nýttu ekki sýna sénsa né liðsmuninn nægilega vel og svo í restina lét Beitir góma sig við gríðarlega dómgreindarbrest að láta bjóða upp á víti og rautt sem varð raunin og Hewson gerði engin mistök á punktinum og innsiglaði sigurinn. Bestu leikmenn 1. Orri Hrafn Kjartansson (Fylkir) Orri var geggjaður í dag, spilaði hrikalega vel í holunni framan af og skoraði gott mark eftir frábært hlaup og leysti svo hægri bakvörðinn eins og hann hafi aldrei spilað neitt annað eftir að Ragnar Bragi fékk rautt. 2. Aron Snær Friðriksson (Fylkir) Aron var frábær í marki gestanna í dag, greip haug af fyrirgjöfum, bjargaði nokkrum hættum naumlega og var öruggur á milli stanganna. Atvikið Klárlega þetta í restina þegar að Óli Skúla er eitthvað aðeins að nudda sér utan í Beiti sem að bregst illa við og gefur Óla einn á nebbann sem að Bryngeir Valdimarsson gerði svo vel að sjá og dæma víti og rautt, ansi örlagarík heimska hjá Beiti.

Hvað þýða úrslitin? Fylkir stekkur upp í 3. sæti deildarinnar, fjórum stigum á undan KR sem er enn í 5. sætinu. Vondur dagur Beitir verður bara að taka þetta á sig fyrir heimskuna á 94. mínútu. Dómarinn - 10,5! Dómgæslan í dag var geggjuð, KR-ingar verða pottþétt ósammála mér en þeir verða bara að taka niður gleraugun og kyngja þessu, stóru atvikin eru öll rétt, rauða spjaldið á Ragnar er rétt, dómurinn á Beiti er réttur og algjörlega honum að kenna að láta plata sig út í þessa heimsku að bjóða svona upp á þetta og annað var bara í topplagi hjá Ívari og félögum!

- Meðalaldur 8 ár

- Meðalaldur 23 ár