Það vantaði alltaf upp á síðustu snertingu eða síðustu sendingu hjá Blikum. Markið sem Osijek skoraði var klaufalegt og það hefði hæglega verið hægt að koma í veg fyrir það.

Markið sem Osijek skoraði. Klaufalegt að hálfu Blika. Þær hefðu getað farið með forystuna í seinni leikinn því Osijek fékk alls ekki mikið af færum.

Liðin mætast í hreinum úrslitaleik um sæti í riðlakeppninni á Kópavogsvelli í næstu viku. Sigurliðið þar fer í riðlakeppni Meistaradeildarinnar. Ég geri kröfu á að Blikar klári þetta einvígi í seinni leiknum; þær eru betra lið en Osijek - engin spurning.

Miðverðir Blika voru svolítið að láta spila aftur fyrir sig. Þær þurfa að halda einbeitingu allan leikinn og átta sig á því hvar sóknarmenn Osijek eru staðsettir. Telma átti að gera betur í markinu en bætti sig í seinni hálfleik. Tiffany McCarty átti ekki góðan leik í fremstu víglínu. Hún var frekar týnd.

Ágætlega dæmdur leikur hjá danska dómaranum.