Klaufaleg mistök í öftustu línu sem bæði lið gerðust sek um í kvöld. En Keflavík gerði fleiri og því fór sem fór. Það skal þó ekki tekið af liði Þróttar að þær sóttu meira og áttu fleiri skot að marki en voru þó ekki að skapa sér mörg dauðafæri.

89 mínútur á klukkunni og hár bolti berst inn á teiginn, Samantha í marki Keflavíkur rýkur út í teiginn og ætlar að grípa fyrirgjöfina en misreiknar boltann illilega sem Freyja Karín Þorvarðardóttir nýtir sér og skilar boltanum í netið.

Þróttur er á toppnum í að minnsta kosti sólarhring eftir tap Selfoss í Garðabæ. En Þróttur hefur 13 stig stigi á undan Val sem á leik til góða gegn Breiðblik á morgun. Keflavík situr í 7.sætinu með 7 stig.

Samantha Leshnak Murphy. Hrikalegt fyrir þennan annars frábæra markvörð að gera dýrkeypt mistök í blálok leiks sem kosta liðið líklega 1 stig.

Gunnar Freyr átti hreint út sagt frábæran leik að mínu mati. Góð leikstjórn, réttir dómar og yfirferð eins og best verður á kosið. Vel gert!