Leikurinn var opin og gríðarlega skemmtilegur. Liðin fengu færi til skiptis í fyrri hálfleik. Fylkismenn byrjuðu síðari hálfleikinn betur og voru óheppnir að skora ekki og Ægismenn refsuðu Fylki undir lokin og verðskulduðu þennan sigur verð ég að segja.

Það er bara sigurmarkið sem er atvik leiksins en þegar allt stefndi í framlengdan leik þá fékk Águst Karel boltann fyrir utan teig og hamraði boltanum fast niðri í vinstra hornið og tryggði Ægi farseðilinn í 8-liða úrslitin.

Ægir verður í pottinum þegar dregið verður í 8-liða úrslitin og bikarævintýri Fylkis er úti í ár.

Benedikt Daríus Garðarsson - Fékk heldur betur færin en tókst ekki að nýta þau og ég veit að Benedikt er hundsvekktur með sjálfan sig að hafa ekki klárað þetta færi en þetta voru sankölluð dauðafæri.

Helgi Mikael og hans menn voru fínir í dag en einhverjir dómar úti á miðjum velli sem voru skrítnir.