Frammistaða Víkinga í seinni hálfleik og þá sérstaklega frammistaða Sigdísar. Víkingar voru með yfirhöndina allan leikinn og þá sérstaklega fyrstu 10 mínúturnar en þá hefði staðan auðveldlega geta verið 3-0 fyrir Víkingum. Augnablik ógnuðu að marki Víkinga alveg undir restina í fyrri hálfleik en náðu ekki að setja mark. En að lokum var það þriðja mark Víkinga sem réði úrslitunum í dag.

Þetta klassíska þriðja mark gerði út um leikinn. Þær skora líka tæpri mínútu seinna og þá vissi maður að þetta væri komið í hús hjá Víkingskonum. Sigdís skoraði þriðja markið fyrir Víking en þá átti hún eftir að skora tvö í viðbót.

Víkingur eru með fullt hús stiga eftir leikinn í kvöld og komnar á toppinn í deildinni eins og stendur. Augnablik detta hinsvegar í neðri helminginn og þeirra fyrsta tap á leiktíðinni er staðreynd.

Varnarlína Augnabliks í seinni hálfleik. Líka í rauninni bara allt liðið. Þær áttu kannski þrjú skot í öllum leiknum og voru í nauðvörn allan leikinn. Herdís var að verja mjög vel í fyrri hálfleik og John, þjálfari Víkinga, hælaði henni eftir leikinn þrátt fyrir að fá á sig sex mörk. Ég get þá líka nefnt hana Söru Rún sem kom inn á af bekknum og henni var engin greiði gerður með því. Hún var í stökustu vandræðum með hana Sigdísi í seinni hálfleik en hún skoraði þrennu í kvöld.

Fær bara létta sjöu frá mér. Þetta var rólegur dagur á skrifstofunni hjá Nour en hann dæmdi þennan leik bara ljómandi vel. Leikurinn fékk að fljóta og ekkert út á hann að setja í kvöld.