Þór/KA einfaldlega of sterkar fyrir Keflvíkinga. Gestirnir komu sér í góðar stöður en fyrirgjafir liðsins voru slakar og þær náðu varla að ógna Shelby Money í marki Þór/KA.

Þriðja og fjórða mark Þór/KA. Sjá 'Vondur dagur'.

Þór/KA er áfram í 3. sæti með 12 stig eftir fimm leiki, jafn mörg stig og Breiðablik en Valskonur eru með fullt hús stiga á toppnum. Keflavík bíður hins vegar ennþá eftir sínum fyrstu stigum og er eina liðið sem er án stiga.

Regina Solhaug Fiabema átti ansi erfitt uppdráttar en hún á stóran þátt í tveimur síðustu mörkum Þór/KA. Á slakan skalla beint á Karen Maríu sem á síðan skot í stöng og Margrét Árnadóttir fylgir vel á eftir. Í fjórða markinu sendir hún nánast beint á Karen sem skoraði.

Rólegur dagur á skrifstofunni. Vel dæmdur leikur hjá Sigurði, leyfði þessu að fljóta vel sem sést á því að fyrsta og eina spjald leiksins kom á 80. mínútu.