Þessi tíu mínútna kafli í fyrri hálfleik þar sem Stjarnan kemst í 4-1 var eiginlega bara algjört röthögg og engin leið til baka fyrir FH. Þær vissulega minnkuðu muninn niður í eitt mark en það var of lítið of seint.

Mínútur 6-16 voru alveg sturlaðar og erfitt að velja eitt atvik úr þeim. Það var ekki í boði að líta niður, þá missti maður af marki.

Stjarnan nær FH á stigum og eru bæði lið, ásamt Tindastóli, með 6 stig og sitja í 4-6 sæti.

Báðir markmenn fá á sig nokkuð mörg í dag og það er aldrei gott. Veit ekki hvort að sökin hafi verið sérstaklega þeirra í einhverju markanna en burt séð frá því eru 3 og 4 mörk vont í egóið.

Mér fannst Breki og teymið bara flottir í dag. Eina sem hægt er að setja út á er víti sem Stjarnan hefði átt að fá í stöðunni 4-1 en það kom ekki að sök.