Sævar Þór Sveinsson @saevarthor02

Textalýsing Skýrslan

Hvað réði úrslitum? Það var mark Omar Sowe sem skildi liðin að hér í dag. Viktor Freyr átti svo stórkostlega vörslu undir lok fyrri hálfleiks. Þegar uppi er staðið er það þessi varsla, ásamt marki Omar Sowe, sem tryggir Leikni stigin þrjú í dag. Bestu leikmenn 1. Stuðningsmannasveitir beggja liða Mér fannst enginn einn leikmaður vera yfirburða bestur á vellinum í dag. Af þeim sökum ætla ég að að velja stuðningsmannasveitir beggja liða sem mann leiksins. Það var gríðarlega vel mætt á leikinn í dag og stuðningsmannasveitir beggja liða sungu og trölluðu allan leikinn. Stórt hrós á báðar sveitir. 2. Viktor Freyr Sigurðsson Viktor fær þetta fyrir þessa vörslu undir lok fyrri hálfleiks. ÍRingar hefðu hæglega getað skorað mark hér og jafnað leikinn. Aðrir sem mér fannst flottir í dag voru Omar Sowe, Hjalti Sig og Óliver Elís. Vilhelm fær síðan líka hrós fyrir að verja vel í vítaspyrnu Omar Sowe. Atvikið Tíðrædd varsla Viktors er klárlega atvik leiksins í mínum huga. Einnig er hægt að minnast á vörslu Vilhelms í vítaspyrnu Omar Sowe en eftir það sóttu ÍRingar nokkuð mikið að marki Leiknis fannst mér.

Hvað þýða úrslitin? Leiknismenn ná í sín fyrstu stig á tímabilinu. Gríðarleg innspýting fyrir þá að ná í þessi stig gegn nágrönnum sínum. Leiknir situr því í 8. sæti deildarinnar með 3 stig en ÍR situr í 5. sæti með 4 stig eftir þrjár umferðir. Vondur dagur Fannst bæði lið sýna nokkuð miðlungs frammistöðu í dag og áttu erfitt með að tengja sendingar oft á tíðum. Það vantaði sérstaklega upp á gæðin á síðasta þriðjungi, þessi síðasta sending klikkaði oftar en ekki. Dómarinn - 7 Ágætlega dæmdur leikur hjá Guðgeiri og hans teymi. Ég var ósammála honum í nokkrum litlum dómum úti á velli en fannst hann dæma rétt í vítaspyrnunni hjá Leikni og þegar ÍRingar vildu fá vítaspyrnur.