Jóhann Þór Hólmgrímsson @Johannthor21

- Meðalaldur 18 ár

- Meðalaldur 20 ár

Textalýsing Skýrslan Viðtöl

Hvað réði úrslitum? Lokaður leikur en Þórsarar naga sig í handabökin að nýta ekki sína sénsa betur. Stefndi allt í framlengingu þegar Róbert Frosti skoraði sigurmarkið. Bestu leikmenn 1. Róbert Frosti Þorkelsson Tryggir Stjörnunni svakalega dramatískan og kærkominn sigur. Ekki erfiðasta færið en mark er mark eins og hann sagði sjálfur. 2. Óli Valur Ómarsson Óli Valur og Guðmundur Kristjánsson voru sterkir í leiknum. Óli var hvað hættulegastur fram á við og átti sennilega bestu tilraun liðsins þegar hann átti viðstöðulaust skot sem fór af varnarmanni. Atvikið Gerðist lítið markvert fyrir utan dramatískt sigurmark sem Róbert Frosti skoraði eftir slæm mistök hjá Aroni Birki í marki Þórs.

Hvað þýða úrslitin? Einfalt. Stjarnan er annað liðið á eftir Val til að tryggja sér sæti í undanúrslitum Mjókurbikarsins en það verður ekkert bikarævintýri í Þorpinu þetta sumarið. Vondur dagur Aron Birkir Stefánsson nagar sig í handabökin eftir afdrifarík mistök þegar hann ætlaði að kýla fyrirgjöf Örvars Eggertsonar út úr teignum en boltinn fór fyrir fætur Róberts sem skoraði sigurmarkið á lokasekúndum leiksins. Dómarinn - 7 Flottur í dag. Ekkert um vafaatriði sem hann klikkaði á, rólegur dagur á skrifstofunni. Fyrsta og eina gula spjaldið fór á loft undir lok leiksins.

- Meðalaldur 18 ár

- Meðalaldur 24 ár