Þór hefði getað náð góðri forystu strax í upphafi leiks þar sem Rafael Victor komst í tvö dauðafæri. MIstök í varnarleik Þórs varð til þess að Njarðvík komst yfir og þeir bættu öðru markinu við en svo breyttist leikurinn algjörlega með innkomu Arons Einars.

Verður atvikið ekki bara að vera heimkoma Arons Einars Gunnarssonar. Vel fagnað þegar hann kom inn á og hann breytti gangi leiksins algjörlega og leggur upp jöfnunarmarkið. Sigur liðsins hefði fullkomnað þetta fyrir hann en það tókst ekki.

Njarðvík hefur aðeins unnið einn af síðustu átta leikjum sínum en situr í 4. sæti og er í bullandi baráttu um umspilssætið. Þór stefnir á umspilið en hefur núna aðeins náð í eitt stig úr síðustu fjórum leikjum og er 8 stigum frá umspilssæti.

Það er bras á Njarðvíkingum undanfarið. Eftir að hafa náð tveggja marka forystu er alls ekki gott að missa hana svona niður og hefðu getað misst öll stigin.

Flottur í dag. Það voru tvö atvik þar sem hann dæmdi m.a. víti sem ég held að hafi verið rétt. Njarðvíkingar vildu fá víti þar sem þeir töldu að boltinn hafi farið í höndina á Ragnari Óla en ég sá það ekki frá mínu sjónarhorni.