Dalvíkingar voru ofan á í baráttunni og vildu þetta meira. Eins ógeðslega leiðinleg útskýring og það kann að hljóma en þá var það bara þannig. Dalvíkingar voru betri í dag fannst mér og áttu þetta bara skilið.

Ég verð eiginlega að velja 2-1 markið þegar Hassan Jalloh skorar. Tek ekkert af Hassan en þetta mark einkennir eiginlega Gróttu liðið. Litlir í baráttunni og Hassan fær bara of mikinn tíma þegar hann er að skjóta. Gróttumenn nýbúnir að jafna og það er eins og það þeir voru með mómentið með sér en svo bara kasta þeir þessu frá sér sísvona.

Dalvík/Reynir jafnar Gróttu að stigum en þau eru bæði í fallsæti aðeins þremur stigum á eftir Leikni Reykjavík sem er í öruggu sæti. Þetta er einnig tíunda tap Gróttu í röð sem hefur aðeins unnið einn leik í seinustu 12 leikjum. Þungir dagar á Nesinu.

Mér fannst allt Gróttuliðið frekar soft í dag. Það er einhver neikvæð ára yfir Gróttuliðinu og mjög vond orka. Sóknarleikurinn var enginn í seinni hálfleik og þeir köstuðu sér niður eins og stungnir grísir í hvert sinn sem þeir fundu fyrir minnstu snertingu. Ekki veit ég afhverju en Chris Brazell tók ekki í höndina á neinum nema Dragan eftir leik. Þegar leikmenn Dalvíkur fóru að honum og ætluðu að þakka honum fyrir leikinn sagði hann bara eitthvað til þeirra sem myndaði smá hita eftir leik í staðinn fyrir að þakka fyrir leikinn. Hann fær líka shout hérna.

Mér fannst þetta mjög vel dæmdur leikur hjá Gunnari. Erfiður leikur að dæma, það er klárt mál, en hann gerði það vel að mínu mati. Féll ekki í neina gildru og var flottur ásamt aðstoðarmönnum hans.