Fyrir leik
Það er 18 ára strákur í byrjunarliði Ólsara í kvöld. Ívar Reynir Antonsson sem leikið hefur fimm leiki í Inkasso-deildinni í sumar. Spennandi að sjá hann á stóra sviðinu í Kópavogi.

Liðin eru að ganga út á völlinn.
Eyða Breyta

Fyrir leik
Það ríkir almenn gleði hjá Breiðabliki um þessar mundir. Kvennalið félagsins að fara að keppa til bikarúrslita á morgun og allt í blóma. Maður skynjar gleðina vel hér á Kópavogsvelli. Móttökurnar sem fjölmiðlamenn fá hér í fréttamannastúkunni eru algjörlega upp á 9,5.
Eyða Breyta

Fyrir leik
Spámenn fréttamannastúkunnar:

Árni Jóhannsson, Sýn: 0-0... alla leið í vító þar sem Gulli Gull verður hetjan.

Hafliði Breiðfjörð, Fótbolta.net: 1-2.

Andri Yrkill, mbl.is: 5-1 fyrir Breiðablik.
Eyða Breyta

Fyrir leik
Liðin eru í óða önn að hita upp í sólinni. Meðan við bíðum eftir leiknum er annar leikmaður í Ólsaraliðinu sem ég hvet ykkur til að gefa gaum. Gonzalo Zamorano er maðurinn sem flest fer í gegnum í sóknarleik Ólsara, holuleikmaður.

Svo má ekki gleyma því að ein skærasta stjarna Blika, Gísli Eyjólfsson, er fyrrum leikmaður Víkings Ólafsvíkur en hann lék með liðinu á lánssamningi.
Eyða Breyta

Fyrir leik
Það er ÖLLU tjaldað hjá Ólsurum í kvöld! Gamli formaðurinn, Jónas Gestur Jónasson, er í liðstjórn í fyrsta sinn í sumar og verður við hlið Ejub Purisevic á boðvangnum. Þeir tveir hafa gert magnaða hluti í Ólafsvík. Eitt besta tvíeyki seinni ára í íslenskum fótbolta fullyrði ég!
Eyða Breyta

Fyrir leik
Blikar hafa einu sinni orðið Íslandsmeistarar, það var árið 2009.

Allt að verða tilbúið á Kópavogsvelli. Ejub búinn að raða keilum um allt á öðrum vallarhelmingnum og leikmenn væntanlegir út að hita á hverri mínútu.

Vallarþulurinn byrjaður að blasta músík og grill-lyktin í loftinu. Það er stuðkvöld framundan!
Eyða Breyta

Fyrir leik
Byrjunarliðin eru komin inn.

Breiðablik gerir eina breytingu á byrjunarliði sínu frá sigurleiknum gegn Víkingi R. í deildinni. Oliver Sigurjónsson er ekki í hóp og Aron Bjarnason kemur inn í byrjunarliðið.

Oliver fór af velli í hálfleik í leiknum gegn Reykjavíkur-Víkingum.
Eyða Breyta

Fyrir leik
Garðbæingurinn Einar Ingi Jóhannsson dæmir leikinn en aðstoðardómarar verða Oddur Helgi Guðmundsson og Andri Vigfússon. Þá er einnig boðið upp á sprotadómara í undanúrslitum og úrslitaleik Mjólkurbikarsins. Einar er á sínu fyrsta alvöru tímabili sem dómari í Pepsi-deildinni og leikur kvöldsins hans stærsta verkefni til þessa.
Eyða Breyta

Fyrir leik
Fylgist með þessum í kvöld:

Emmanuel Eli Keke, Víking Ólafsvík. Varnarmaðurinn öflugi var valinn besti leikmaður umferða 1-11 í Inkasso-deildinni. Keke kom til Ólsara fyrir tímabilið og hefur reynst happafengur.

Willum Þór Willumsson, Breiðabliki. Þessi stóri og stæðilegi 19 ára strákur hefur verið hörkuflottur í sumar. Gunnar Birgisson íþróttafréttamaður sagði í Innkastinu í vikunni að Willum hefði að sínu mati verið besti leikmaður Blika í sumar.
Eyða Breyta

Fyrir leik
Meistararnir á blikar.is sjá til þess að maður þarf lítið að undirbúa sig fyrir leik kvöldsins! Hér eru upphitunarmolar.

- Blikar hafa lagt Leikni, KR og Val á leið sinni í undanúrslitin. Ólsarar hafa lagt Hamar, Fram og Víking Reykjavík.

- Breiðablik og Víkingur Ó. hafa mæst 19 sinnum í mótsleikjum. Blikar hafa sigrað í 15 leikjum, Víkingar unnið 1 sinni og 3 leikir hafa endað með jafntefli.

- Upphitun Blikamanna hefst kl.17:00 í salnum í stúkunni á jarðhæðinni. Ágúst Gylfason mætir kl.17:15 og fer yfir leikskipulag Blikaliðsins
Eyða Breyta

Fyrir leik
Alexander Helgi Sigurðarson, miðjumaður Breiðabliks, verður ekki með í kvöld. Alexander var á láni hjá Ólafsvíkingum fyrri hluta sumars og hjálpaði liðinu mikið. Hann hefði getað mætt sínum gömlu félögum í kvöld ef hann hefði ekki meiðst á æfingu í vikunni.
Eyða Breyta

Fyrir leik
Ég skellti mér á hinn undanúrslitaleikinn í gær þar sem Stjarnan vann 2-0 sigur á FH. Það var góð stemning á þeim leik, pakkfull stúka og hörkustuð. Það er flott veður í dag og vonandi verður líka margmenni í stúkunni í Kópavoginum í kvöld.
Eyða Breyta

Fyrir leik
Blikar hafa verið á svakalegri sigurbraut í Pepsi-deildinni þar sem þeir eru sem stendur á toppnum. Það er rosalegt þriggja hesta kapphlaup við Val og Stjörnuna um Íslandsmeistaratitilinn.

Þeir eru mun sigurstranglegri en Víkingur Ólafsvík sem er í fjórða sæti Inkasso-deildarinnar. Flottur árangur hjá Ejub Purisevic og hans mönnum að vera komnir alla leið í undanúrslitin.
Eyða Breyta

Fyrir leik
Góðan og gleðilegan dag! Hvort verður það Breiðablik eða Víkingur frá Ólafsvík sem leikur til úrslita gegn Stjörnunni í Mjólkurbikarnum þann 15. september? Það kemur í ljós á Kópavogsvellinum í kvöld.
Eyða Breyta