Leikmenn gera sig klára við varamannabekkina. Fimm mínútur í uppafsflautið.

Leikurinn er í beinni útsendingu á Youtube reikningingum Leiknir Fáskrúðsfirði

https://www.youtube.com/channel/UC99WTd01kNu9KcpDzGBMSJg

Dómarar og þjálfarar:
Arnar Ingi Ingvarsson er dómari leiksins. Honum til aðstoðar eru þeir Óli Njáll Ingólfsson og Bergur Daði Ágústsson. Eftirlitsdómari er Jóhann Gunnarsson.

Þjálfari Leiknis:
Brynjar Skúlason, Binni, er þjálfari Leiknis. Hann tók við liðinu fyrir síðasta tímabil og stýrði liðinu til sigurs í 2. deild eftir að liðinu hafði verið spáð falli fyrir tímabilið. Binni var áður þjálfari Hugins til margra ára. Ami Mehica er Binna til aðstoðar.

Þjálfari Þórs:
Páll Viðar Gíslason, Palli, er þjálfari Þórsara. Hann þjálfaði Þór á árunum 2010-2014 en fór þá í tvö ár til Húsavíkur og í kjölfarið hélt hann til Grenivíkur og þjálfaði lið Magna. Honum til aðstoðar er Kristján Sigurólason.

Skemmtileg leikskrá Leiknismanna fyrir leikinn í dag. Líklegt byrjunarlið heimamanna er upp á tíu en þrír rangir eru í liði gestanna. Leikmaður dagsins er Seyðfirðingurinn Stefán Ómar. Hann er á bekknum hjá Leikni.

Þórsarar lögðu Grindavík, 2-1, á Þórsvelli í 1. umferð og degi seinna tapaði Leiknir gegn Fram á útivelli. Alvaro Montejo var hetja Þórsara en hann skoraði sigurmark Þórs undir lok leiks.

Fyrri viðureignir:
Liðin hafa mæst alls níu sinnum frá 1. janúar árið 2015. Fjögur skiptanna í 1. deild, fjórum sinnum í Kjarnafæðismótinu og einu sinni í Lengjubikarnum. Þórsarar hafa unnið sjö leikjanna, eitt jafntefli og einn sigur Leiknis.

Sigur Leiknis kom árið 2016 í Fjarðabyggðarhöllinni í seinni umferð 1. deildarinnar.

Binni Skúla, þjálfari Leiknis, gerir fimm breytingar frá leiknum gegn Fram fyrir rúmri viku. Chechu er í leikbanni og þeir Guðmundur, Kifah, Stefán og Mykolas eru ekki í byrjunarliðinu. Mykolas og Stefán eru á bekknum.

Inn koma Almar Daði, Salko, Daniel, Guerrero og Povilas.

Palli Gísla gerir eina breytingu á liði Þórs frá sigrinum gegn Grindavík fyrir rúmri viku. Sigurður Marínó er ekki í leikmannahópi Þór en hann lék gegn 120 mínútur gegn Reyni í bikarnum. Loftur Páll Eiríksson, sem kemur inn í liðið í stað Sigga, byrjar líklega í vörninni og Orri Sigurjónsson á miðjunni.

Jónas Björgvin lék 105 mínútur í vikunni og er ekki í hópnum. Jóhann Helgi Hannesson, sem fékk höfuðhögg í æfingaleik fyrir mót, er á bekknum.

Jesus Maria Meneses Sabater(Chechu) tekur út leikbann hjá Leiknismönnum í dag en hann fékk að líta ósanngjarnt rautt spjald í tapi gegn Fram í fyrstu umferðinni. Aðstoðardómari taldi hann hafa sýnt sér puttann, en ljósmyndir sem birtar voru á Fótbolta.net sönnuðu annað. Á þeim sést greinilega að Chechu heldur uppi vísifingri en ekki löngutöng eins og línuvörðurinn vildi meina.

Leiknir hefur nú tekið ákvörðun um að kæra framkvæmd leiksins.

Jón Arnar Barðdal spáði í leiki umferðarinnar fyrir Fótbolta.net. Hann býst við tilþrifalitlum leik.

Leiknir F. 0 - 0 Þór
Dautt 0 - 0 jafntefli. Teppið í Fjarðabyggðarhöllinni er þreytandi.

Það hefur verið bikarvika þar sem bæði lið áttu leik í vikunni.

Leiknir fékk erfitt verkefni og mætti Stjörnunni á útivelli á miðvikudagskvöldið og tapaði þar 3 - 0.

Þór mætti Reyni Sandgerði og náði að knýja fram 2 - 1 sigur á heimavelli í framlengdum leik.

Góðan daginn og verið velkomin til leiks í Lengjudeildinni. Í Fjarðabyggðarhöllinni mætast í dag Leiknir frá Fáskrúðsfirði og Þór frá Akureyri.

Leikurinn hefst klukkan 16:00 og hér verður fylgst með öllu því helsta sem gerist.