Sjáðu myndirnar - Kolrangur dómur í leik Fram og Leiknis!

Leiknismenn voru æfir yfir dómnum og segja það af og frá að hann hafi sýnt línuverðinum puttann. Brynjar Skúlason þjálfari Leiknis sagðist hafa rætt við Chechu og hann hafi útskýrt hvað hafi gerst.

„Já hann sagði, Ég vil fá einu sinni innkast(heldur upp vísifingri) einu sinni innkast og aðstoðardómarinn sagði að hann hefði gefið honum fokk jú puttann, þetta eru bara þvílíkar....ég veit ekki hvernig ég á að svara þessu," sagði Brynjar.

Hafliði Breiðfjörð ljósmyndari fótbolta.net var á svæðinu og náði myndum af atvikinu. Á þeim sést greinilega að Chechu heldur uppi vísifingri en ekki löngutöng eins og línuvörðurinn vildi meina.

Sjón er sögu ríkari!