Þjóðsöngvarnir að baki fyrir framan tóman Laugardalsvöll. Íslensku leikmennirnir albláir í leik dagsins.

STÓRFRÉTT!

Kolbeinn Sigþórsson dettur út úr byrjunarliðinu. Meiddist í upphitun. Albert Guðmundsson kemur inn.

Tammy Abraham ekki í hóp hjá Englendingum í dag. Hann hefur fengið meiri samkeppni hjá félagsliði sínu Chelsea eftir komu Timo Werner.

Guðlaugur Victor Pálsson byrjar á miðjunni í dag eftir að hafa mest leikið í hægri bakverði með íslenska landsliðinu í síðustu leikjum. Freyr sagði frá því í áðurnefndu viðtali að hann hefði bæði æft sem bakvörður og miðjumaður í vikunni en reikna má með því að hann verði bakvörður í umspilinu gegn Rúmeníu í næsta mánuði.

Jón Dagur Þorsteinsson fær tækifæri hérna í byrjunarliðinu en Freyr Alexandersson aðstoðarlandsliðsþjálfari sagði í viðtali við Stöð 2 Sport að hann hefði unnið sér inn sætið með góðri frammistöðu á æfingum.

Jón Dagur fékk einmitt hrós frá Kára á fréttamannafundinum í gær.

Það er afskaplega huggulegt haustveður hérna í Laugardalnum í dag. Logn, sólin skín og allar aðstæður hinar glæsilegustu. Þónokkur fjöldi hefur komið sér fyrir við grindverkið við völlinn til að fylgjast með leiknum sem hefst eftir um 20 mínútur þegar þessi orð eru skrifuð.

Ísland spilar 4-4-2 í dag en þeir Jón Daði Böðvarsson og Kolbeinn Sigþórsson byrja saman frammi líkt og í leiknum fræga í Nice árið 2016.



Jón Dagur Þorsteinsson, kantmaður AGF, fær tækifæri í byrjunarliðinu á kantinum. Þetta er annar mótsleikurinn sem Jón Dagur er í byrjunarliðinu en hann var líka í byrjunarliðinu í Þjóðadeildinni gegn Belgum árið 2018. Arnór Ingvi Traustason er á hinum kantinum.

Guðlaugur Victor Pálsson byrjar á miðjunni í dag eftir að hafa mest leikið í hægri bakverði með íslenska landsliðinu í síðustu leikjum. Guðlaugur Victor spilar á miðjunni hjá félagsliði sínu Darmstadt í Þýskalandi. Birkir Bjarnason er með honum á miðjunni.

Hjörtur Hermannsson er hægri bakvörður og Hörður Björgvin Magnússon er valinn fram yfir Ara Frey Skúlason í vinstri bakvörðinn.

Varamenn
Ögmundur Kristinsson (M)
Rúnar Alex Rúnarsson (M)
Jón Guðni Fjóluson
Hólmar Örn Eyjólfsson
Hólmbert Aron Friðjónsson
Arnór Sigurðsson
Albert Guðmundsson
Mikael Neville Anderson
Samúel Kári Friðjónsson
Andri Fannar Baldursson
Emil Hallfreðsson
Ari Freyr Skúlason

Gareth Southgate, landsliðsþjálfari Englands, er búinn að tilkynna byrjunarlið Englands og má sjá það hér að neðan. UEFA stillir liðinu upp í leikkerfinu 5-3-2 með Sancho á miðjunni og Declan Rice í miðverðinum.

Líklega verður Sancho í holunni með Harry Kane og Raheem Sterling í fremstu víglínu. Kyle Walker og Kieran Trippier verða í bakvörðunum. Phil Foden er í byrjunarliðinu og hann er að spila sinn fyrsta A-landsleik.

Byrjunarlið Englands:
Jordan Pickford
Kyle Walker
Joe Gomez
Declan Rice
Eric Dier
Kieran Trippier
James Ward-Prowse
Phil Foden
Jadon Sancho
Harry Kane
Raheem Sterling

Erik Hamren, landsliðsþjálfari:
"Ég veit ekki hvort það yrði óvæntara að vinna núna en þegar Ísland vann á EM 2016. Ef maður horfir raunsætt á hlutina þá ætti England að vinna en ég vona að dagurinn á morgun (í dag) verði öðruvísi og við náum sigri. Ég er ekki hræddur við Englendingana, við höfum sýnt að við getum gert góða hluti. Við lærðum mjög mikið af leiknum gegn Sviss"

Eins og allir lesendur vita þá eru lykilmenn í íslenska liðinu fjarri góðu gamni. Gylfi Þór Sigurðsson, Jóhann Berg Guðmundsson og Alfreð Finnbogason gáfu ekki kost á sér, Aron fékk ekki leyfi og Ragnar Sigurðsson og Rúnar Már Sigurjónsson eru á meiðslalistanum.

Alfreð útskýrði ákvörðun sína í viðtali þegar hópurinn var tilkynntur.

Kári Árnason er fyrirliði í kvöld í fjarveru Arons Einars Gunnarssonar en Aron fékk ekki leyfi frá félagi sínu, Al Arabi í Katar, til að fara í verkefnið.

Kári svaraði spurningum fjölmiðlamanna í gær og var meðal annars spurður út í muninn á enska landsliðinu í dag og liðinu sem við unnum á EM 2016, eins og frægt er.

"Þetta er allt annað lið. Það eru nokkrir leikmenn sem eru þeir sömu, Sterling er orðinn eldri og betri. Það sama gildir um Harry Kane. Þetta er mun yngra lið og hefur meiri hlaupagetu og hraða. Þessi framlína hjá þeim er á heimsmælikvarða en að sama skapi þekkjum við þá vel og treystum okkur í þetta verkefni," sagði Kári.

Dómarateymið á leik Íslands og Englands í Þjóðadeildinni kemur frá Serbíu. Srdjan Jovanovic aðaldómari er 34 ára gamall og hefur verið FIFA dómari frá árinu 2015. Það er skemmtileg tilviljun að fyrsti A-landsleikurinn sem hann dæmdi var leikur hjá Íslandi. Það var vináttulandsleikur gegn Sameinuðu arabísku furstadæmunum árið 2016. Sá leikur var í Dúbaí og endaði með 2-1 tapi Íslands.

Þetta er tveggja landsleikja gluggi hjá strákunum okkar, á þriðjudaginn verður leikið gegn Belgíu ytra. Belgar eru að fara að keppa gegn Danmörku í kvöld.

Góðan og gleðilegan daginn og velkomin með okkur í Þjóðadeildarveislu á Laugardalsvellinum. Ísland mætir Englandi klukkan 16:00.

Því miður eru áhorfendur bannaðir vegna Covid-faraldursins en ég verð á Laugardalsvellinum og reyni að skila því sem fram fer í gegnum þessa textalýsingu.