Jæja verið að spila þjóðsöngvana. Ísland í varatreyjunum í dag, hvítklæddir.

Leikmenn ganga inn á völlinn

Rússarnir koma fyrstir og Jón Dagur leiðir svo íslenska liðið í fyrsta sinn til leiks á stórmóti.

Frá vellinum

Þótt hitamælirinn segi 12° þá er lúmskt kalt, heiðskýrt og ég held að mælirinn sé að ljúga.

Frá vellinum

Leikmenn ganga til búningsherbergja fyrir lokaundirbúning. Sýndist allir komast klakklaust frá upphitun.

Styttist í þetta!

Arsen Zakharyan
Miðjumaður hjá Dynamo Moskvu, fæddur árið 2003 og er því aðeins 17 ára gamall. Hefur leikið 6 leiki með Dynamo Moskvu hingað til á leiktíðinni, skorað 1 mark og lagt upp 2.
Þetta er í fyrsta skipti sem hann er valinn í 21 árs hóp Rússa og er í byrjunarliðinu.

"Kolbeinn Þórðar er pjúra vinnuhestur bara, meira vinnsla í honum en Kolbeini Finns! Stefán Teitur kemur inn í liðið með mikla hæð og það virðist vera við ætlum að "matcha" Rússana í líkamlegri baráttu!" segir Arnar Laufdal, annar umsjónarmanna hlaðvarpsþáttarins Ungstirnin, um byrjunarlið Íslands.

Frá vellinum

BÆNG!!

Keyrum 'etta í gang er blastað í upphitun. Veisla!

Ég var að ræða við Sæbjörn Steinke, fréttamann okkar á vellinum, og hann gaf mér þær upplýsingar að Mikael sé að glíma við einhver nárameiðsli. Hann er meðal varamanna í dag.

Byrjunarliðin eru annars komin inn í kerfið.

Mikhail Galaktionov, þjálfari U21 landsliðs Rússa, hefur valið byrjunarliðið sem mætir Íslandi í fyrsta leik á EM klukkan 17:00.

Nokkrar breytingar eru á fremstu stöðunum miðað við líklegt byrjunarlið en leikmenn Rússa koma flestir úr stórum liðum í rússnesku úrvalsdeildinni.

Ivan Oblyakov er fyrirliði liðsins sem spilar á miðri miðjunni hjá CSKA Moskvu. Fæddur 1998 og hefur spilað 27 leiki fyrir U-21 árs liðið og skorað 6 mörk. Leikið 20 leiki fyrir CSKA á þessu tímabili, skorað 1 og lagt upp 2.

Fedor Chalov framherji CSKA Moskvu er stjarna liðsins sem hefur skorað 10 mörk í 20 leikjum fyrir U-21 árs liðið.
Smelltu hér til að sjá beina textalýsingu

Davíð Snorri Jónasson hefur valið byrjunarlið Íslands sem mætir Rússum í fyrsta leik á EM U21 landsliða klukkan 17:00.

Kolbeinn Þórðarson, leikmaður Lommel, byrjar í bakverði en hann tekur stöðu Alfons Sampsted sem er í A-landsliðinu.

Stefán Teitur Þórðarson kemur inn á miðjuna síðan í leikjunum í nóvember síðastliðnum en hann var fjarri góðu gamni þar.

Ísak Bergmann Jóhannesson byrjar á kantinum en Mikael Neville Anderson er á bekknum.

Jón Dagur Þorsteinsson, fyrirliði U21 landsliðsins, sat fyrir svörum á fréttamannafundi í Ungverjalandi í gær. Leikið verður gegn Rússlandi í dag en Danmörk og Frakkland eru einnig í riðlinum. Tvö efstu liðin tryggja sér sæti í útsláttarkeppni.



"Auðvitað förum við með það markmið að komast upp úr riðlinum. Við viljum njóta þess að spila fótbolta líka en auðvitað er markmiðið að komast upp úr riðlinum," segir Jón Dagur.

Hvernig tilfinning verður það fyrir Jón Dag að leiða Ísland út á völlinn í þessu móti.

"Það verður mjög gaman. Ég er stoltur. Þetta verður hrikalega skemmtilegt og krefjandi verkefni. Ég er gríðarlega stoltur af því að vera fyrirliði. Ég hef þekkt þennan hóp mjög lengi og við erum nánir og það er flott liðsheild í hópnum. Mitt hlutverk er að menn séu á tánum og gera þetta vel en á sama tíma njóta þess að vera hérna."

"Það eru nokkur nöfn sem eru búin að stíga upp og taka miklum framförum. Þegar við byrjuðum voru Andri Fannar og Ísak 14 ára eða eitthvað. Þeir eru búnir að stíga upp og aðrir leikmenn líka. Staðan á hópnum er góð."

Þekkir hann til leikmannana í rússneska liðinu?

"Maður þekkir einhvern nöfn en maður er ekki að horfa á rússnesku deildina daglega. Maður hefur séð meira af þessum leikmönnum í Evrópukeppnunum,"

Er mesti möguleiki ykkar í riðlinum gegn þessu rússneska liðið?

"Við eigum gríðarlegan séns í öllum þessum leikjum. Frakkarnir eru sigurstranglegastir í riðlinum en við förum í alla leiki með sigurhugarfar og að ná i öll stig sem eru í boði. Við byrjum á því gegn Rússum," segir Jón Dagur.

Lykilleikmaður í rússneska U21 liðinu



Fedor Chalov
Framherji CSKA Moskvu sem hefur skorað 10 mörk í 20 leikjum fyrir U-21 árs liðið. Árið 2019 var hann orðaður við Chelsea, Liverpool, Arsenal og Crystal Palace. Hefur skorað 5 mörk og lagt upp 4 í 20 leikjum fyrir CSKA hingað til á tímabilinu. Verður áhugavert að sjá hvernig varnarmenn okkar glíma við þennan öfluga framherja.

Davíð Snorri, þjálfari U21 landsliðsins:

"Rússneska liðið vann sinn riðil og gerði virkilega vel. Þeir eru með virkilega góða liðsheild og þetta eru duglegir og góðir íþróttamenn. Skemmtilegur og krefjandi leikur sem við erum að fara í."



"Þetta hefur verið mjög skemmtilegt fyrst og fremst. Þetta er stærsta sviðið og risastórt verkefni. Við reyndum að eiga ágætis samskipti í aðdraganda mótsins og kynna mér vel hvað þeir hafa verið að gera og hvernig íslenska liðið hefur spilað. Ég hef verið mjög hrifinn af því sem ég hef séð undanfarna daga."

Líklegt byrjunarlið

Sæbjörn Steinke hefur velt því fyrir sér hvernig Davíð Snorri Jónasson stillir upp liðinu í dag. Niðurstaðan er að Davíð haldi sig við 4-3-3/4-5-1 leikkerfið sem liðið spilaði í undankeppninni.

U21 landsliðið hefur leik í Ungverjalandi



Íslenska U21 landsliðið leikur gegn Rússum klukkan 17 en það er fyrsti leikur okkar stráka í riðlinum. Einnig eru Danmörk og Frakkland í riðlinum en tvö efstu liðin komast í úrslitakeppnina sem spiluð verður í sumar.

Davíð Snorri Jónasson stýrir U21 landsliðinu í fyrsta sinn en hann tók við starfinu af Arnari Viðarssyni sem tók við A-landsliðinu eins og allir lesendur vita.