Fyrir leik
Hverjir eru í stúkunni...

Finnur Tómas er mættur eins og áður sagði. Siggi Helga er auðvitað á svæðinu, Palli Kristjáns formaður KR, hinn eini sanni Gunni Einars, annað hvort Arnar eða Bjarki Gunnlaugsson, Hörður Hilmarsson, Kjartan Henry Finnbogason... góðmennt.
Eyða Breyta

Fyrir leik
Leikurinn sýndur í beinni Spiideo útsendingu
Allt að verða klárt. Hægt er að horfa á leikinn í beinni útsendingu hjá Valsmönnum fyrir sanngjarnt verð, 5 evrur. Hér er hlekkur á útsendinguna.
Eyða Breyta

Fyrir leik
Færeyski miðjumaðurinn Hallur Hansson sem gekk í raðir KR í sumar og varnarmaðurinn Finnur Tómas Pálmason eru ekki orðnir löglegir. Þeir fá leikheimild 17. febrúar eins og aðrir leikmenn sem koma að utan. Finnur er mættur í stúkuna í 66 gráður norður úlpu.



Eyða Breyta

Fyrir leik
Við erum mættir á Hlíðarenda og hér er andinn góður. Virkilega fallegt veður fyrir úrslitaleikinn, heiðskírt, logn og hiti við frostmark.

Sæbjörn Steinke er mér við hlið og mun væntanlega koma með öfluga punkta fyrir lýsinguna.

Kristján Flóki Finnbogason og Atli Sigurjónsson eru meðal byrjunarliðsmanna KR í dag. Þeir fóru meiddir af velli gegn Fram í lokaumferð riðilsins á fimmtudaginn en þau meiðsli voru ekki alvarleg.
Eyða Breyta

Fyrir leik
Byrjunarliðin eru komin inn og má sjá þau hér til hliðar. Allir í byrjunarliði KR voru hjá félaginu í fyrra en hjá Valsmönnum eru Guy Smit, hollenski markvörðurinn sem kom frá Leikni, og hinn smái en knái Orri Hrafn Kjartansson sem kom frá Fylki í byrjunarliðinu.


Eyða Breyta

Fyrir leik
Komnir og farnir hjá KR

Komnir
Aron Kristófer Lárusson frá ÍA
Aron Snær Friðriksson frá Fylki
Finnur Tómas Pálmason frá Svíþjóð
Hallur Hansson frá Vejle
Rúrik Gunnarsson frá Breiðabliki
Sigurður Bjartur Hallsson frá Grindavík
Stefan Alexander Ljubicic frá HK
Oddur Ingi Bjarnason frá Grindavík (var á láni)

Farnir
Alex Freyr Hilmarsson í ÍBV
Arnþór Ingi Kristinsson hættur
Aron Bjarki Jósepsson í ÍA
Guðjón Orri Sigurjónsson í ÍBV
Óskar Örn Hauksson til Stjörnunnar
Eyða Breyta

Fyrir leik
Komnir og farnir hjá Val

Komnir
Aron Jóhannsson frá Lech Poznan
Ágúst Eðvald Hlynsson frá Danmörku (á láni)
Heiðar Ægisson frá Stjörnunni
Guy Smit frá Leikni R.
Orri Hrafn Kjartansson frá Fylki
Kári Daníel Alexandersson frá Gróttu (var á láni)

Farnir
Christian Köhler í ÍA
Hannes Þór Halldórsson
Johannes Vall í ÍA
Kristinn Freyr Sigurðsson í FH
Kaj Leo í Bartalsstovu
Magnus Egilsson
Eyða Breyta

Fyrir leik
Nær Valur að verja titilinn?
Valsmenn eru ríkjandi Reykjavíkurmeistarar en þeir unnu Fylki í vítaspyrnukeppni í Árbænum í fyrra. Arnar Laufdal var á leiknum og textalýsti honum í beinni hér á Fótbolta.net.

KR varð hinsvegar Reykjavíkurmeistari 2020 með því að vinna einmitt Val á Origo vellinum. Leikar þá enduðu 2-0.
Eyða Breyta

Fyrir leik
Lengjubikarinn hefst í þessari viku
Valur á fyrsta leik í Lengjubikarnum á miðvikudag og leikur þar gegn Þrótti Vogum hér á Origo vellinum. Þróttarar eru nýliðar í Lengjudeildinni. KR hefur Lengjubikarinn með leik gegn Aftureldingu í Vesturbænum næsta föstudag.
Eyða Breyta

Fyrir leik
Í janúar var fyrsta ótímabæra spáin fyrir Íslandsdeildina opinberuð og þar var liðunum sem við fylgjumst með í dag spáð 2. og 3. sæti. Það má búast við jöfnuma og skemmtilegum febrúarleik, svona rétt áður en það gengur einhver rosaleg lægð yfir landið í nótt.

ÓTÍMABÆRA spáin
1. Breiðablik
2. Valur
3. KR
4. Víkingur
5. FH
6. Stjarnan
7. KA
8. ÍBV
9. Keflavík
10. Leiknir
11. ÍA
12. Fram
Eyða Breyta

Fyrir leik
Góðan og gleðilegan sunnudag. Sunnudagur er besti dagur vikunnar og í dag færir hann okkur úrslitaleik Reykjavíkurmótsins.

Það er boðið upp á sígildan úrslitaleik. Valur og KR og leikurinn fer fram á Origo vellinum, heimavelli Vals, og hefst hann kl. 14:00.

Valur endaði í efsta sæti A riðils Reykjavíkurmótsins með sjö stig, eins og Víkingur. Valsmenn voru hins vegar með betri markatölu og komust þannig áfram. KR vann alla þrjá leiki sína í B riðli og endaði því á toppi hans með níu stig.

Einar Ingi Jóhannsson dæmir úrslitaleikinn en þeir Gylfi Már Sigurðsson og Egill Guðvarður Guðlaugsson verða aðstoðardómarar.
Eyða Breyta