Kristján Flóki kom KR yfir í kvöld.
KR 2 - 0 Valur
1-0 Kristján Flóki Finnbogason ('45 )
2-0 Ægir Jarl Jónasson ('68 )
2-0 Kristinn Freyr Sigurðsson ('91 , misnotað víti)
Rautt spjald: Sigurður Egill Lárusson, Valur ('62)
KR og Valur áttust við í úrslitum Reykjavíkurmótsins í kvöld en leikið var á Origovellinum, heimavelli Vals.
KR lagði Víking R. að velli í undanúrslitum en liðið hafði betur eftir vítaspyrnukeppni. Leiknum sjálfum lauk með 1-1 jafntefli. Í hinum undanúrslitaleiknum mættust Valur og Fjölnir þar sem Valsmenn unnu 1-0 sigur.
Leikurinn í kvöld átti að fara fram í Egilshöllinni en hann var færður á Origovöllinn. Þjálfarar hafa verið að kvarta yfir gervigrasinu í Egilshöllinni og var leikurinn því færður.
1-0 Kristján Flóki Finnbogason ('45 )
2-0 Ægir Jarl Jónasson ('68 )
2-0 Kristinn Freyr Sigurðsson ('91 , misnotað víti)
Rautt spjald: Sigurður Egill Lárusson, Valur ('62)
KR og Valur áttust við í úrslitum Reykjavíkurmótsins í kvöld en leikið var á Origovellinum, heimavelli Vals.
KR lagði Víking R. að velli í undanúrslitum en liðið hafði betur eftir vítaspyrnukeppni. Leiknum sjálfum lauk með 1-1 jafntefli. Í hinum undanúrslitaleiknum mættust Valur og Fjölnir þar sem Valsmenn unnu 1-0 sigur.
Leikurinn í kvöld átti að fara fram í Egilshöllinni en hann var færður á Origovöllinn. Þjálfarar hafa verið að kvarta yfir gervigrasinu í Egilshöllinni og var leikurinn því færður.
Það var Kristján Flóki Finnbogason sem kom KR yfir rétt fyrir lok fyrri hálfleiks. Kenni Chopart átti þá góða fyrirgjöf á Flóka sem skallaði knöttinn inn af stuttu færi og Íslandsmeistararnir því yfir þegar flautað var til leikhlés.
Á 62. mínútu dróg til tíðinda en þá fékk Sigurður Egill Lárusson, leikmaður Vals, rautt spjald. „Sigurður Egill fær sitt annað gula spjald í leiknum og þar með rautt. Siggi og einhver leikmaður KR liggja eftir þegar boltinn er fjarri og Ívar Orri dregur upp gula spjaldið á Valsarann," skrifaði Elvar Geir í textalýsingunni.
Á 68. mínútu tvöfaldaði Ægir Jarl Jónasson forystu KR þegar hann skoraði með flottum skalla. Valur fékk vítaspyrnu í uppbótartíma þegar Guðjón Orri markvörður braut á Andra Adolphssyni. Kristinn Freyr fór á punktinn en Guðjón gerði sér lítið fyrir og varði spyrnuna.
Leiknum lauk því með 2-0 sigri KR og KR-ingar því Reykjavíkurmeistarar 2020.
Athugasemdir
