Fyrir leik
Heyr mína bæn í tækjunum og liðin fara að ganga inná völlinn.
Eyða Breyta

Fyrir leik
Byrjunarliðin eru klár!
Rúnar Kristinsson, þjálfari KR, gerir tvær breytingar frá jafnteflinu gegn Fram í síðustu umferð. Ægir Jarl og Kennie Chopart koma inn fyrir þá Aron Þórð Albertsson og Stefan Alexander Ljubicic. Chopart er að snúa til baka eftir eins leiks bann.

Ólafur Jóhanesson, sem ráðinn var þjálfari Vals fyrir viku síðan, gerir fjórar breytingar á liðinu frá tapinu gegn ÍBV. Ólafur tók við af Heimi Guðjónssyni og stýrir Val út tímabilið. Birkir Heimis, Sabaistian Hedlund, Patrick Pedersen og Guðmundur Andri Tryggvason koma inn í liðið.

Rasmus Christiansen, Arnór Smárason, Frederik Ihler og Orri Hrafn Kjartansson taka sér sæti á bekknum. Aron Jóhannsson, sem skoraði í síðasta leik, tekur út leikbann. Guðmundur Andri er að snúa til baka eftir tveggja leikja bann og Hedlund eftir eins leiks bann.
Eyða Breyta

Fyrir leik
Spáir útisigri
Leifur Andri Leifsson er spámaður umferðarinnar. Hann spáir útisigri, 0-1.

Valsarar hljóta að fara að hrökkva í gírinn. Hólmar getur ekki átt tvo hauskúpu leiki í röð.

Hólmar Örn
Eyða Breyta

Fyrir leik
Jóhann Ingi dæmir
Jóhann Ingi Jónsson dæmir leikinn og honum til aðstoðar eru þeir Eðvar Eðvarðsson og Antoníus Bjarki Halldórsson.

Einar Örn Daníelsson er eftirlitsmaður KSÍ og Erlendur Eiríksson er varadómari.
Eyða Breyta

Fyrir leik
Fyrri leikurinn var mikil skemmtun
Fyrri leikur þessara liða, sem fram fór á Origo vellinum snemma í sumar var mikil skemmtun.

KR komst verðskuldað yfir í leiknum með marki frá Kjartani Henry Finnbogasyni. Patrcik Pedersen náði að jafna leikinn í lok fyrri hálfleiks ogí kjölfar meiðsla þeirra Pálma Rafns Pálmasonar og Kennie Chopart snemma í seinni hálfleik náðu Valsmenn að komast yfir og landa þremur stigum. Það var Jesper Juelsgård sem skoraði sigurmarkið með skoti beint úr aukaspyrnu.

Sigurmarkinu fagnað
Eyða Breyta

Fyrir leik
Bæði lið valdið vonbrigðum
Hvorugt þessara liða hefur staðið undir þeim væntingum sem gerðar voru til þeirra fyrir mót.

Valur er í fimmta sæti með 20 stig og KR er með sautján stig í sjöunda sætinu. Valur greip á það ráð að skipta um þjálfara eftir tap í síðasta leik.

Heimir Guðjónsson var látinn fara og í hans stað var Ólafur Jóhannesson ráðinn. Óli var þjálfari Vals á árunum 2015-2019 og hafði Heimir stýrt liðinu frá því haustið 2019.


Rúnar Kristinsson er þjálfari KR en einhverjar sögur hafa heyrst um að hann gæti verið að hætta eftir leik kvöldsins.

,,Ég var að fá sömu fyrirspurn áðan, það er eins fjarri lagi og hægt er. Þetta er ekkert sem ég hef heyrt af nema bara sögusagnir," sagði Páll Kristjánsson, formaður knattspyrnudeildar KR, við 433.is í dag.

Páll hafði fyrr um daginn skrifað pistil, hvatningarorð, þar sem hann fór yfir stöðuna hjá KR.

,,Ég tala fyrir sjálfan mig þegar ég segi að stuðningur minn við þjálfarateymið og liðið er heill. Stuðningur minn einskorðast ekki við einstaka leikmenn. Stuðningur minn er skilyrðislaus stuðningur við félagið okkar KR. Ég hef mínar skoðanir á liðinu og hvernig það skuli skipað en ég mæti á völlinn sama hvað. Ég er hundfúll með árangur liðsins en ég mæti samt. Því ég veit að KR kemur til baka. Ég ætla mér að eiga þátt í þeirri endurkomu."

Smelltu hér til að lesa pistilinn í heild

Eyða Breyta

Fyrir leik
Góða kvöldið og verið velkomin í beina textalýsingu frá leik KR og Vals frá Meistaravöllum í vesturbæ Reykjavíkur.

Leikurinn hefst klukkan 19:15 og er liður í 14. umferð Bestu deildarinnar.
Eyða Breyta