Fyrir leik
Byrjunarliðin mætt í hús hér
Keflavík sýnist mér stilla upp óbreyttu liði frá jafnteflinu gegn KA á dögunum.
Hjá gestunum í ÍBV kemur Oliver Heiðarsson inn fyrir Jón Ingason og geri ég ráð fyrir að einhverjar stöðubreytingar fylgi þar innan liðsins sömuleiðis.
Eyða Breyta

Fyrir leik
Þeir sem valdið hafa
Dómari leiksins í dag er hin geðþekki Erlendur Eiríksson. Honum til aðstoðar eru þeir Ragnar Þór Bender og Kristján Már Ólafs.
Pétur Guðmundsson er varadómari og eftirlitsmaður KSÍ er Frosti Viðar Gunnarsson.



Eyða Breyta

Fyrir leik
Fyrri viðureignir í efstu deild frá aldamótum.
Alls eru leikirnir 31 sem félögin hafa leikið innbyrðis í efstu deild frá aldamótum og hefur ÍBV vinninginn í fjölda sigra eða 15 alls. Keflavík hefur borið sigur úr býtum 11 sinnum og 5 leikjum hefur lokið með jafntefli.

Markatalan í viðureignum þeirra er 58-52 Eyjamönnum í vil.

Leikirnir í fyrra

Leikir liðanna á síðasta tímabili voru hin ágætasta skemmtun. Liðin mættust fyrst á HS-Orkuvellinum þann 7.maí og gerðu þar 3-3 jafntefli. Keflvíkingar byrjuðu þar betur og voru komnir með 2-0 forystu eftir rétt um hálftíma leik. Heldur syrti þó í álinn þegar Magnús Þór fyrirliði þeirra fékk að líta sitt annað gula spjald og þar með rautt á 36.mínútu leiksins. Eyjamenn gengu á lagið eftir hlé og settu þrjú mörk á heimamenn í seinni hálfleiknum það síðasta á 82.mínútu og stefndi allt í sigur Eyjamanna þegar varamaðurinn Adam Árni Róbertsson jafnaði fyrir Keflavík á dramatískan hátt á þriðju mínútu uppbótartíma og þar við sat.

Seinni leik liðanna í hefðbundinni deildarkeppni lauk svo líka með jafntefli þegar liðin mættust á Hástainsvelli en lokatölur þar urðu 2-2.

Eyjamenn höfðu svo 2-1 sigur á Hásteinsvelli í úrslitakeppni Bestu deildarinnar.



Eyða Breyta

Fyrir leik
Keflavík
Eftir tap gegn KR í fyrsta heimaleik sumarsins hér í bæ fór Keflavík ágæta ferð norður í land og sótti sterkt stig á Greifavellinum gegn KA þar sem liðin gerðu markalaust jafntefli.
Fyrirliðin Magnús Þór Magnússon hefur verið að glíma við meiðsli sem og Frans Elvarsson og er ég óviss um hvort að þeir hafi náð sér eða séu enn frá.

Spurning líka hvort að það hái Keflavík að geta ekki leikið á sínum eiginlega heimavelli en grasvöllur félagsins er enn ekki klár þó hann hafi stórbatnað á síðustu vikum. Kuldinn undanfarna daga hefur þó haft þær afleiðingar að vöxtur og gróandi vallarins er hægari en ella. Þetta er þó að öllum líkindum síðasti leikurinn sem Keflavík leikur á gervigrasinu við Reykjaneshöllina en næsti heimaleikur liðsins er ekki á dagskrá fyrr en 14.maí næstkomandi.



Eyða Breyta

Fyrir leik
ÍBV
Gestirnir sigla til lands með sigur í farteskinu frá síðasta leik liðsins þar sem liðið lagði Breiðablik á Hásteinsvelli með marki úr vítaspyrnu í uppbótartíma. Að sigra hefur yfirleitt aldrei neikvæð áhrif á lið og verður gaman að sjá hvað Hermann Hreiðarsson og hans menn munu bjóða upp á í dag. Guy Smit er spurningamerki fyrir leik dagsins en það læðist að mér sá grunur að Hemmi Hreiðars sé lítið í því að hræra í sigurliði ótilneyddur.

Eyjamenn bættu í leikmannahóp sinn áður en að glugginn frægi lokaði en Oliver Heiðarsson var keyptur frá FH auk þess sem Eyjamenn fengu sendingu frá Jamaíka er þeir Dwayne Atkinson og Richard King gengu til liðs við liðið.



Eyða Breyta

Fyrir leik
Ljúfur laugardagur í Bestu deildinni
Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik Keflavíkur og ÍBV í fjórðu umferð Bestu deildar karla í knattspyrnu.



Eyða Breyta