Byrjunarliðin eru komin inn Tiago Fernandes kemur aftur inn í byrjunarlið Fram en liðið tapaði gegn Breiðabliki 5-4 í síðustu umferð.



Hjá ÍBV er hollenski markvörðurinn Guy Smit búinn að jafna sig eftir meiðsli og kemur inn í markið. Hann byrjar sinn fyrsta deildarleik fyrir félagið.

Prettyboitjokko spáir í 5. umferð Bestu Spámaður umferðarinnar er Patrik Atlason, sem flestir þekkja sem tónlistarmanninn prettyboitjokko eftir að samnefnt lag var gefið út fyrr á árinu.

Fram 0 - 3 ÍBV
ÍBV er með Sverri Pál sem er certified PBT. Þannig ÍBV tekur þetta 3-0.

Dómarateymið! Vilhjálmur Alvar Þórarinsson heldur utan um flautuna hér í dag en honum til aðstoðar verða þeir Gylfi Már Sigurðsson og Eysteinn Hrafnkelsson.
Einar Ingi Jóhannsson verður á milli þjálfarana tilbúin á skiltinu og til taks ef eitthvað útaf bregður.
Hjalti Þór Halldórsson heldur utan um eftirlit dómara.

Innbyrðis viðreignir Fram og ÍBV hafa mæst 103 sinnum í leikjum á vegum KSÍ.

Fram sigrar: 35 (34%)
ÍBV sigrar: 37 (36%)
Jafntefli: 31 (30%)

Síðasti sigur Fram: Lengjudeildin 2021 (ÍBV 0-2 Fram)
Síðasti sigur ÍBV: Besta deildin - Úrslitakeppni 2022 (Fram 1-3 ÍBV)
Síðasta jafntefli: Besta deildin 2022 (ÍBV 2-2 Fram)

Leikir liðana í Bestu deild 2022:

Fram 3-3 ÍBV
ÍBV 2-2 Fram
Fram 1-3 ÍBV

Fram Frammarar hafa ekki byrjað jafn vel og þeir hefðu viljað. Fyrstu tveir leikir liðsins enduðu með jafntefli gegn FH og HK áður en tveir tapleikir fylgdu í kjölfarið gegn Val og svo í síðustu umferð gegn Breiðablik í hreint út sagt stórbrotnum fótboltaleik þar sem Breiðablik komust í 3-0 og 4-2 áður en Fram náði að jafna þegar tæpt korter var eftir af venjulegum leiktíma en Breiðablik sótti sigurmarkið í uppbótartíma og þar við sat.

Fram sitja því í neðsta sæti deildarinnar með 2 stig eftir fjórar umferðir.

Mörk Fram hafa skorað:

Guðmundur Magnússon - 3 Mörk
Fred - 2 Mörk
Már Ægisson - 1 Mark
Magnús Þórðarson - 1 Mark
Hlynur Atli Magnússon - 1 Mark

ÍBV Eftir erfiða byrjun þar sem Eyjamenn töpuðu gegn Val og KA hafa Eyjamenn tengt saman tvo sterka sigurleiki gegn Íslandsmeisturum Breiðablik og svo í síðustu umferð þegar Eyjamenn gerðu sér góða ferð suður með sjó og mættu þar Keflavík og höfðu betur með þremur mörkum gegn einu.

ÍBV er því með 6 stig eftir 4 umferðir og sitja í efri hluta töflunnar fyrir þessa umferð.

Mörk ÍBV hafa skorað:

Sverrir Páll Hjaltested - 1 Mark
Oliver Heiðarsson - 1 Mark
Hermann Þór Ragnarsson - 1 Mark
Halldór Jón Sigurður Þórðarson - 1 Mark
Felix Örn Friðriksson - 1 Mark
Eiður Aron Sigurbjörnsson - 1 Mark

Staðan í Bestu deild karla til þessa Eftir fjórar umferðir í Bestu deild karla er stöðutaflan svona útlítandi:

1. Víkingur R. - 12 stig
2. Valur - 9 stig
3. FH - 7 stig
4. HK - 7 stig
5. Breiðablik - 6 stig
6. ÍBV - 6 stig
-----------
7. KA - 5 stig
8. Keflavík - 4 stig
9. KR - 4 stig
10. Fylkir - 3 stig
11. Stjarnan - 3 stig
12. Fram - 2 stig



Textalýsingar kvöldsins:
18:00 Fram - ÍBV
18:00 KA - FH
19:15 KR - HK
20:15 Fylkir - Valur

Heil og sæl! Verið hjartanlega velkominn í þessa þráðbeinu textalýsingu frá leik Fram og ÍBV í 5.umferð Bestu deild karla.
Flautað verður til leiks klukkan 18:00 frá Framvelli í Úlfársdal.