Fyrir leik
Liðin eru að ganga ut á völl
Mjölnismenn láta vel í sér heyra!
Eyða Breyta

Fyrir leik
Byrjunarliðin eru komin
Það eru fjórir leikmenn að spila sinn fyrsta deildarleik fyrir Þór. Akseli Matias Kalermo kom til liðsins frá Litháen, Marc Rochester Sörensen frá Öster, Valdimar Daði Sævarsson frá KV og Ýmir Már Geirsson frá KA.

Það eru sjö nýjir í byrjunarliði Vestra. Elvar Baldvinsson spilar hér gegn sínum gömlu félögum, Benedikt Waren kom frá Blikum, Fatai Gbadamosi og Morten Hansen frá Kórdrengjum, Gustav Kjeldsen frá Færeyjum, Mikkel Jakobsen frá Leikni og Rafael Henrique.

Elvar Baldvinsson er í byrjunarliði Vestra í dag
Eyða Breyta

Fyrir leik
Dómarar
Gunnar Oddur Hafliðason dæmir leikinn. Patrik Freyr Guðmundsson og Aðalsteinn Tryggvason eru honum til aðstoðar. Magnús Sigurður Sigurólason er eftirlitsmaður KSÍ.
Eyða Breyta

Fyrir leik
Horfðu á leikinn í beinni:

Eyða Breyta

Fyrir leik
Þorlákur Árnason, þjálfari Þórs:
„Undirbúningstímabilið hefur gengið ágætlega, flestir okkar leikir hafa verið við lið í Bestu deildinni og síðan við liðin í 2. og 3.deild þannig að þú hefur ekki alveg samanburðinn við liðin í þinni deild. En við teljum okkur vera klára í krefjandi mót," segir Þorlákur Árnason, þjálfari Þórs.

Láki býst við hörkukeppni í Lengjudeildinni í sumar. „Ég er sammála því, ég held að deildin verði bæði sterk og jöfn og að liðin verði að reita stig af hvort öðru. Ég sé ekki tvö lið stinga af líkt og Fylkir og HK gerðu í fyrra."

„Okkar markmið eru að byggja ofan á það sem við gerðum seinni part sumarsins í fyrra. Okkur langar að spila góðan fótbolta og ná hagstæðum úrslitum, og fá okkar stuðningsmenn til þess að hrífast með liðinu."

Lestu viðtalið við Láka í heild sinni
Eyða Breyta

Fyrir leik
Davíð Smári, þjálfari Vestra:
„Tímabilið leggst mjög vel í okkur. Við erum spenntir að þetta fari að byrja og getum í raun varla beðið eftir fyrsta leik," segir Davíð Smári Lamude þjálfari Vestra.

„Heilt yfir í vetur hefur gengið ágætlega. Vestra liðið í ár er miklu betra tilbúið líkamlega en önnur ár myndi ég segja. Við höfum æft gríðarlega vel þó svo að við höfum vissulega æft öðruvísi vegna aðstöðunar. Í þeim leikjum sem við höfum spilað höfum við verið að prófa ákveðna hluti sem sumir hafa gengið og aðrir ekki. Uppleggið var að liðið yrði klárt í fyrsta leik og ég vænti þess."

Lestu viðtalið við Davíð í heild sinni
Eyða Breyta

Fyrir leik
Þór er spáð áttunda sæti


Þjálfarinn: Hinn reynslumikli Þorlákur Árnason tók við Þór haustið 2021 og er því á leið í sitt annað tímabil fyrir norðan. Láki hefur gefið mörgum ungum leikmönnum sín fyrstu tækifæri. Láki tók sér hlé frá félagsliðabolta árið 2013, fór að starfa hjá KSÍ í kringum yngri landsliðin og var svo yfirmaður fótboltamála í Hong Kong.

Styrkleikar: Gríðarlegt Þórshjarta. Það er búin að vera svakaleg endurnýjun í gangi hjá Þór undir stjórn Láka Árna sem er virkilega fær í sínu starfi. Hann lagði góðan grunn síðasta sumar og nú hefur hann fengið annan vetur til að byggja ofan á og þessir ungu strákar orðnir árinu eldri og reyndari. Þórsarar spila skemmtilegan og hraðan fótbolta þar sem ungir, hraðir og sprækir strákar fá að njóta sín. Þeir eru með gríðarlega sterka og reynslumikla leikmenn í hryggnum og líta ágætlega út í aðdraganda móts.

Veikleikar: Óstöðugleiki ungra leikmanna er þekkt dæmi í íþróttum og varnarleikurinn er svolítið spurningarmerki. Akseli á eftir að sýna að hann sé virkilega góður miðvörður, ef hann er það þá þurfa Þórsarar að hafa talsvert minni áhyggjur. Hann á að stíga upp og leiða varnarleik liðsins.

Lykilmenn: Sóknarmaðurinn efnilegi Bjarni Guðjón Brynjólfsson, danski reynsluboltinn Marc Sörensen og markaskorarinn Alexander Már Þorláksson.

Fylgist með: Valdimar Daði Sævarsson
Dalvískur KR-ingur sem á ættir að rekja til Akureyrar, uppalinn í KR og hefur verið í yngri landsliðum Íslands. Gríðarlega teknískur og áræðinn kantmaður sem bæði skorar og leggur upp. Óheppinn með meiðsli síðustu ár sem hafa haft áhrif á hans feril en hæfileikarnir leyna sér ekki og hann nær eflaust að láta ljós sitt skína í Þorpinu.

Komnir
Akseli Kalermo frá Litháen
Kristján Atli Marteinsson frá Kórdrengjum
Marc Rochester Sörensen frá Öster
Ómar Castaldo Einarsson frá KV
Rafnar Máni Gunnarsson frá Völsungi
Valdimar Daði Sævarsson frá KV
Ýmir Már Geirsson frá KA

Farnir
Auðunn Ingi Valtýsson í D/R á láni
Ásgeir Marinó Baldvinsson í Þrótt V.
Elvar Baldvinsson í Vestra
Harley Willard í KA
Orri Sigurjónsson í Fram

Líklegt byrjunarlið

Eyða Breyta

Fyrir leik
Vestra er spáð sjöunda sæti


Þjálfarinn: Davíð Smári Lamude hefur gert eftirtektarverða hluti síðustu ár með Kórdrengi en söðlaði um síðasta haust og samdi við Vestra. Hann leggur mikið upp úr öflugum varnarleik, mikilli baráttu, föstum leikatriðum og vel útfærðum skyndisóknum.


Styrkleikar: Heimavöllurinn; það er alltaf erfitt að fara til Ísafjarðar. Liðið er hrikalega vel skipulagt og leggur mikið upp úr sterkum varnarleik og kraftmiklum skyndisóknum. Davíð Smári hefur sannað ágæti sitt í þessari deild og hann þurfti ekki langan tíma til að koma handbragði sínu á Vestraliðið. Það sem einkennir liðið er kraftur, vinnusemi og stanslaus barátta.

Veikleikar: Miklar breytingar á liðinu milli ára er aldrei frábært, sama hvaða lið það á við. Liðið þarf talsvert lengri tíma til að spila sig saman en önnur lið vegna aðstöðuleysis og getur það komið í bakið á þeim. Auk þess missir Vestri Nicolaj Madsen óvænt í vetur en hann var einn besti leikmaður deildarinnar og það fyllir enginn það skarð svo auðveldlega.

Lykilmenn: Nacho Gil, frábær miðjumaður sem tengir vörn og sókn liðsins, ótrúlega gæðamikill leikmaður. Benedikt Waren, gríðarlega góður miðjumaður og sóknarleikur liðsins fer mikið í gegnum hann. Mikkel Jakobsen, er að spila í sóknarlínunni og sýndi gæðin sem hann býr yfir á köflum með Leikni í fyrra, með góða tækni og frábæran hægri fót.

Fylgist með: Rafael markvörður, risastór, frábær 'shot stopper' og öflugur í teignum, áhugaverður spilari.

Komnir
Benedikt Warén frá Breiðabliki (var á láni hjá ÍA)
Elvar Baldvinsson frá Þór
Fatai Gbadamosi frá Kórdrengjum
Grímur Andri Magnússon frá Reyni S.
Gustav Kjeldsen frá Færeyjum
Ibrahima Balde frá Spáni
Loic Ondo frá Kórdrengjum
Mikkel Jakobsen frá Leikni
Morten Ohlsen Hansen frá Kórdrengjum
Rafael Broetto frá Litháen

Farnir
Chechu Meneses til Andorra
Christian Jiménez til Spánar
Daníel Agnar Ásgeirsson í Hörð á láni
Friðrik Þórir Hjaltason í KFK
Martin Montipo í Grindavík
Nicolaj Madsen
Pétur Bjarnason í Fylki
Rodrigo Santos Moitas
Toby King

Líklegt byrjunarlið

Eyða Breyta