Fyrir leik
Byrjunarlið ÍBV
ÍBV tapaði gegn Fram í síðustu umferð. Hermann Hreiðarsson gerir þrjár breytingar á sínu liði. Halldór Jón Sigurður Þórðarson tekur út leikbann þar sem hann fékk að líta rauða spjaldið í síðasta leik. Hermann Þór Ragnarsson og Guðjón Ernir Hrafnkelsson taka sér sæti á bekknum. Jamaíkumennirnir tveir; Richard King og Dwayne Atkinson koma báðir inn í byrjunarliðið og spila sinn fyrsta leik fyrir félagið. Filip Valencic kemur einnig inn í liðið. Bjarki Björn Gunnarsson er ekki á bekknum þar sem hann er lánsmaður frá Víkingi.
Eyða Breyta

Fyrir leik
Aðstæður a Hasteinsvelli eru nokkuð fínar. Léttur úði og smá austanátt. Höfum sé það verra hér.



Eyða Breyta

Fyrir leik
Byrjunarlið Víkings
Víkingur vann 4-1 sigur á Keflavík í síðustu umferð. Arnar Gunnlaugsson gerir þrjár breytingar á sínu liði. Reynsluboltarnir Matthías Vilhjálmsson, Halldór Smári og Davíð Örn koma allir inn í liðið og þeir Karl Friðleifur Gunnarsson, Viktor Örlygur Andrason og Helgi Guðjónsson taka sér sæti á bekknum. Ein breyting er þá á leikmannahópnum, Arnór Borg Guðjohnsen snýr aftur á bekkinn í stað Sölva Stefánssonar.
Halldór Smári
Eyða Breyta

Fyrir leik
Textalýsingar kvöldsins
20:15 Fylkir - Breiðablik
19:15 FH - Keflavík
19:15 Fram - Stjarnan
18:00 ÍBV- Víkingur
Eyða Breyta

Fyrir leik
Spáin
Ásta Eir Árnadóttir spáir í leiki umferðarinnar.

ÍBV 2 - 2 Víkingur
Víkingar líta fáranlega vel út en þetta verður ströggl fyrir þá. Ég spái 2-2 jafntefli. Eyjamenn jafna í lokin. Drama.


Eyða Breyta

Fyrir leik
Viðureignir síðasta árs
Þegar liðin mættust á Hásteinsvelli á síðustu leiktíð, 15. júní 2022, fóru Víkingar með þægilegan 0-3 sigur af hólmi. Oliver Ekroth, Erlingur Agnarsson og Ari Sigurpálsson skoruðu mörkin.

Í síðari leiknum í Fossvoginum 4. september komst ÍBV í 0-2 eftir stundarfjórðung með mörkum Andra Rúnars Bjarnasonar og Arnars Breka Gunnarssonar. Víkingar minnkuðu muninn með marki Loga Tómassonar en þá fékk Jón Kristinn Elíasson markvörður ÍBV að líta rauða spjaldið á 40. mínútu. Halldór Smári Sigurðarson jafnaði metin á 95. mínútu og lokastaðan 2 - 2.
Eyða Breyta

Fyrir leik
Gestirnir hér í Vestmannaeyjum í dag eru Víkingar sem hafa farið með himinskautum í Bestu-deildinni í sumar. Þeir hafa unnið alla fimm leiki sína og eru því með fullt hús stiga á toppi deildarinnar. Þeir hafa skorað 12 mörk og aðeins fengið á sig eitt, sem kom í síðasta leik gegn Keflavík sem þeir þó unnu 4-1.

ÍBV tapaði 1 - 3 gegn Fram í Úlfarsárdalnum í síðasta leik og eru í 7. sæti með 6 stig fyrir leikinn í kvöld.
Eyða Breyta

Fyrir leik
Dómarateymið
Helgi Mikael Jónasson dæmir leikinn í dag. Hann er með þá Berg Daða Ágústsson og Svein Inga Sigurjónsson Waage sér til aðstoðar á línunum. Arnar Ingi Ingvarsson er svo skiltadómari í dag.

KSÍ sendir Skúla Frey Brynjólfsson til að hafa eftirlit með umgjörð og störfum dómara að þessu sinni.
Helgi Mikael Jónasson dómari leiksins í dag.
Eyða Breyta

Fyrir leik
Góðan daginn og verið velkomin í beina textalýsingu frá Hásteinsvelli í Vestmannaeyjum.

Hér hefst klukkan 18:00 viðureign ÍBV og Víkings í Bestu-deild karla.

Textalýsingar kvöldsins:
20:15 Fylkir - Breiðablik
19:15 FH - Keflavík
19:15 Fram - Stjarnan
18:00 ÍBV- Víkingur
Eyða Breyta