Spáir markalausu jafntefli Arnar Daníel Aðalsteinsson, leikmaður Gróttu, spáir í leikina. Arnar var hluti af U19 landsliðshópnum sem lék á Evrópumótinu á Möltu í sumar.


ÍBV 0 - 0 KR (14:00 í dag)
Bæði lið munu suffera í þessum leik.

Lestu spá Arnars fyrir umferðina í heild sinni

Fimm breytingar hjá KR Það eru fimm breytingar á liði KR sem vann Fylki. Simen Kjellevold kemur í markið þar sem Aron Snær Friðriksson tekur út leikbann.

Lúkas Magni Magnason og Aron Þórður Albertsson setjast á bekkinn en Stefán Árni Geirsson og Kristján Flóki Finnbogason eru ekki með. Finnur Tómas Pálmason, Ægir Jarl, Jónasson Aron Kristófer Lárusson og Atli Sigurjónsson koma inn í liðið.

Óbreytt lið ÍBV Byrjunarlið Eyjamanna er óbreytt frá 2-2 jafntefli gegn HK í síðustu umferð.

Verður leikið? Svarið er já, það er ekkert því til fyrirstöðu að leikurinn fari fram í Vestmannaeyjum því KR-ingar fóru af stað í gærmorgun með Herjólfi frá Þorlákshöfn og eru því löngu komnir á eyjuna þar sem þeir gistu í nótt. Lokaumferðin sem á að fara fram á sama tíma fer því pottþétt fram.

Í banni Oliver Heiðarsson verður ekki með ÍBV í dag, vegna uppsafnaðra áminninga. Aron Snær Friðriksson verður ekki í marki KR en hann tekur út leikbann eftir að hafa fengið rautt spjald í sigrinum gegn Fylki.

Dómari: Helgi Mikael Jónasson
Aðstoðardómarar: Eysteinn Hrafnkelsson og Hreinn Magnússon.
Varadómari: Arnar Ingi Ingvarsson.

Eftirlitsmaður: Gylfi Þór Orrason.

Sjáðu það helsta úr fyrri viðureign liðanna

Fyrri leikurinn Liðin mættust í 11. umferðinni á Meistaravöllum í vesturbænum 10. júní síðastliðinn.

Þá leik lauknum með 1-1 jafntefli. Sigurður Bjartur Hallsson skoraði fyrir KR þegar 20 mínútur voru eftir en Felix Örn Friðriksson jafnaði úr víti í uppbótartíma.

KR 1 - 1 ÍBV
0-0 Sverrir Páll Hjaltested ('60 , misnotað víti)
1-0 Sigurður Bjartur Hallsson ('69)
1-1 Felix Örn Friðriksson ('92 , víti)
Lestu um leikinn

Staðan Þetta er síðasti leikurinn í 22 leikja móti, eftir daginn í dag mun mótið skiptast í efri og neðri hluta.

Þar sem stigin fylgja áfram er ljóst að mikið er undir hjá báðum liðum.

ÍBV er í fallsæti með 18 stig en sigur í dag gæti komið þeim uppúr því ef Fram eða Fylkir vinna ekki sinn leik.

KR er í harðri baráttu um að enda í efri hluta deildarinnar og verður að fá sigur eða jafntefli í dag til að tryggja sig í efri hlutann.

Staðan
1. Víkingur - 56 stig
2. Valur - 42
3. Breiðablik - 38
4. Stjarnan - 31
5. FH - 31
6. KR - 31
7. KA - 28
8. HK - 25
9. Fylkir - 20
10. Fram - 19
11. ÍBV - 18
12. Keflavík - 12

Leikdagur í eyjum Góðan daginn og verið velkomin í beina textalýsingu úr Vestmanneyjum.

Hér mætast ÍBV og KR í lokaumferð Bestu-deildar karla klukkan 14:00.