Leikurinn er sýndur í beinni útsendingu á Stöð 2 Sport 5, þar sem okkar allra besti Gummi Ben lýsir leiknum. Stuðst er við sjónvarpsútsendinguna í þessari textalýsingu.

Fyrirliðinn inn í liðið Ein breyting er á liðinu frá sigurleiknum gegn Val á sunnudag. Fyrirliðinn Nikolaj Hansen kemur inn í liðið fyrir Helga Guðjónsson sem tekur sér sæti á bekknum.

Söguleg stund. Arnar Gunnlaugsson hefur valið fyrsta byrjunarlið okkar Víkinga í deildarkeppni Sambandsdeildar Evrópu. ?????? pic.twitter.com/L6ACvdpd4E

— Víkingur (@vikingurfc) October 3, 2024

Nýjar Evróputreyjur Víkinga Í tilefni dagsins hafa Víkingar svipt hulunni af nýjum keppnisbúningum sem liðið mun klæðast í viðureignum sínum í Sambandsdeildinni þetta árið.

Kæru Víkingar. Til hamingju með daginn! Það er viðeigandi að tilkynna formlega um að strákarnir munu spila í sérstakri Evróputreyju í Sambandsdeild Evrópu og í kvöld fáið þið að sjá búninginn í leik í fyrsta sinn.

Smelltu hér til að kaupa : https://t.co/c5EOTniYAK pic.twitter.com/HGYhoH6etx

— Víkingur (@vikingurfc) October 3, 2024

Kári Árnason lék með Omonoia Kári Árnason yfirmaður knattspyrnuamála Víkings lék með Omonoia um hríð.

Kári gekk til liðs við Omonoia árið 2017 í janúarglugganum. Hann lék þó aðeins átta leiki með liðinu.

Kári hélt svo til Aberdeen í sumarglugganum 2017 eftir dvöl sína í Kýpur.

   03.10.2024 11:40

Kári Árna: Mistök að fara héðan á sínum tíma

Fyrirkomulagið og dómarar Fyrirkomulagið í Sambandsdeildinni er líkt og í hinum Evrópudeildinni, 36 liða deild. Öll liðin í Sambandsdeildinni spila sex leiki, en ekki er spilað heima og að heiman gegn sama liðinu.

Omonoia var í þriðja styrkleikaflokki í drættinum og Víkingur í þeim sjötta. Hvert lið mætir einu liði úr hverjum styrkleikaflokki.

Efstu átta liðin fara beint í 16-liða úrslit og liðin í 9.-24. sæti fara í umspilið um hin átta sætin. 12 neðstu liðin í deildinni falla úr leik.

Hollenskt teymi
Sander van der Eijk dæmir leikinn á fimmtudaginn, Sander og dómarateymið í heild sinni er frá Hollandi. Van der Eijk dæmir í hollensku Eredivisie.

Langt ferðalag Víkinga Víkingar komu til Kýpur á þriðjudagskvöld. Ekki var flogið beint til Kýpur en ferðalag Víkinga tók 17 klukkustundir.

Liðið og starfsteymið flugu frá Keflavík til Manchester og biðu þar í nokkra klukkutíma. Frá Manchester flugu þeir til Larnaca á Kýpur. Í kjölfarið tók við rútuferð til Nicosia sem er í tæplega klukkutíma fjarlægð frá Larnaca.

Víkingar voru komnir til Nicosia um klukkan 1 að nóttu á staðartíma en þriggja tíma mismunur er á Íslandi og Kýpur.

#CyprusVikes eru lentir eftir langt ferðalag. ?????? pic.twitter.com/RwS0eXiiGv

— Víkingur (@vikingurfc) October 1, 2024

Gömul hetja mætt til Omonoia Stevan Jovetic gekk til lið við Omonoia nú á dögunum en hann mun ekki leika gegn Víkingum.
Jovetic gerði garðinn frægan með Manchester City en hann lék einnig með Inter Milan og Sevilla.

„Það er leikmenn frá löndum sem menn kannski þekkja ekki mikið til. Í þessum löndum geta dúkkað upp helvíti góðir leikmenn, félagið er með mikið fjármagn og voru sem dæmi að taka inn Stevan Jovetic sem er fyrrum leikmaður Manchester City. Hann er ekki á íslenskum launum, ég get lofað þér því. Sem betur fer er hann ekki að spila á morgun," sagði Arnar Gunnlaugsson þjálfari Víkinga í samtali við Fótbolta.net.

Andstæðingarnir Omonoia eru eins og áður hefur komið fram frá Kýpur. Eru þeir eitt sigursælasta lið Kýpurs.

Omonoia hefur unnið deildina í Kýpur 21 sinni og hafa alls spilað 173 Evrópuleiki.

Omonoia var í þriðja styrkleikaflokki í drættinum og Víkingur í þeim sjötta.

Heimavöllur liðsins, GSP völlurinn tekur tæplega 23 þúsund manns.

Á síðasta tímabili enduðu Omonoia í þriðja sæti deildarinnar á Kýpur. Omonoia eru nú í öðru sæti deildarinnar eftir fimm umferðir.

Hér fyrir neðan má sjá blaðamannafund Omonoia fyrir leikinn gegn Víkingum. Fundurinn fer fram á ensku.

Leikdagur! Heilir og sælir lesendur góðir og veriði velkomin í beina textalýsingu frá fyrsta leik Víkings R. í Sambandsdeild Evrópu.

Andstæðingar Víkings eru Omonoia frá Kýpur. Leikið verður á GSP vellinum sem er staðsettur í Nikósíu, höfuðborg Kýpur.