Þúsund þakkir fyrir samveruna. Hér með lýkur þessari textalýsingu. Viðtöl og skýrsla dettur hingað inn fljótlega. Takk fyrir mig

Í leikslok er verið að afhenda hér viðurkenningu. Efnilegasti leikmaður Pepsideildarinnar 2016 er Óttar Magnús Karlsson. Óskum við honum að sjálfsögðu til hamingju með þá nafnbót.

+3 Óttar Magnús ágengur og sækir aukaspyrnu á vítateigslínunni hér um bil. Óttar skýtur að marki í markmannshornið en Trausti ver og í því flautar Pétur til leiksloka.

+2 Var þetta síðasti sénsinn? Þróttarar reyna fyrirgjöf en hún siglir aftur fyrir endamörk.

+1 Barningur og Þróttarar sækja. Hægja svo á sókninni og rennur hún út í sandinn

Viðbótartími er að minnsta kosti 3 mínútur

Óttar Magnús gerir vel en skotið hátt yfir. Sólar einn, sólar tvo og hleður svo í skot sem flýgur í átt að Blómaval Sigtúni

Pétur Guðmundsson færði Halli að gjöf gult og rautt spjald með ritaðri kveðju er hann yfirgaf völlinn. Skemmtilegt þar sem Hallur nældi sér í jú í 134 gul spjöld og 11 rauð spjöld á ferlinum. Slatti

Þróttarar vinna aukaspyrnu á vinstri kantinum. Aron sendir boltann inn í en Víkingar bægja hættunni frá. Þróttur heldur pressunni og á endanum er leikurinn stöðvaður vegna höfuðmeiðsla Brynjars

Þarna voru Þróttarar líklegir. Guðmundur Friðriksson sendir fyrir og Björgvin er í barningnum. Brynjar fellur í teignum eftir viðskipti sín við en Kristófer Karl en ekkert dæmt. Hefði mögulega verið ódýrt líka

Smá líf eftir doða síðustu mínútna. Sorensen með laglega skiptingu á Guðmund sem vinnur hornspyrnu sem síðan verður ekkert úr. Já ég var að skrifa þetta

Fátt að gerast þessa stundina. Víkingarnir beittari en Þróttarar reyna að sækja hratt en án árangurs.

Hætta við mark Víkinga. Guðmundur Friðriksson fær boltann á fjær eftir langt innkast. Af einhverjum óskiljanlegum ástæðum kýs hann að nota hægri fótinn þarna og boltinn hátt yfir markið.

Trausti er að vinna baki brotnu hérna í markinu. Fyrst var það frá Bjarna Páli sem hlóð í stórgott skot af 25m sem Trausti varði stórkostlega í horn. Uppúr horninu berst svo boltinn á Viktor sem stimplar sig strax inn. Trausti hinsvegar kemur vel út á móti og lokar rammanum

Dauðafæri! Víkingar heldur betur nálægt því að komast yfir en Trausti gerði vel í að verja.

Marktilraun hjá Þrótturum en skot Arons verulega slakt. Tilraun engu að síður

Víkingar halda áfram að þjarma að heimamönnum sem standast áhlaupin sem stendur. Hasar í leiknum þessa stundina!

Pétur hefur blásið til síðari hálfleiks

Jæja leikmenn í óðaönn að ganga inn á völlinn á nýjan leik. Búið að fara yfir málin reikna ég með. Þróttarar þurfa að girða sig í brók og stíga upp ef ekki á illa að fara í þessum síðasta leik þeirra í Pepsideildinni í bili

Pétur Guðmundsson hefur blásið til leikhlés. Víkingar mikið sterkari aðilinn það sem af er. Þróttarar í raun heppnir að fara inn í hléið aðeins marki undir

Taskovic með skottilraun úr teignum. Þróttarar í tjóni varnarlega og Igor hleður í skot en það vantar nákvæmni og fer beint á Trausta sem verður að kýla boltann. Fast en ónákvæmt hjá Taskovic

Fínt spil hjá Víkingum. Leika sér fyrir utan teiginn þar sem Ívar Örn finnur Óttar Magnús sem verndar boltann vel, snýr en skotið varið af Trausta

Arnþór Ingi í færi! Ívar Örn les vel sendingu Halls af miðsvæðinu og geysist upp í hornið og sendir flottan bolta fyrir á Arnþór sem kom á hvínandi siglingu en Arnþór miðlaði boltanum rétt framhjá fjærstönginni.

Tufa með góðan sprett og fiskar aukaspyrnu hægra megin, sirka 3 metra fyrir utan teig. Fullkomið spyrnufæri fyrir Ívar. Spyrnan hjá honum hinsvegar slök og beint í vegginn.

Afleitt Brynjar! Boltinn dettur fyrir hann beint á móti marki Víkinga og hleður hann í skotið en boltinn nær því að hitta hornfánann.

Halldór Smári með góða tilraun eftir fyrirgjöf frá hægri. Tekur boltann laglega á lofti en skotið beint á Trausta sem slær boltann yfir með tilþrifum

Víkingar vilja vítaspyrnu. Arnþór Ingi fellur eftir snertingu en Pétur vel staðsettur og gefur merki um að ekkert hafi verið að þessu

Fyrsta hornspyrna Þróttar. Davíð Örn Atlason ætlar að skalla til baka á Róbert en nær ekki að stilla miðið og boltinn í horn. Hornspyrnan inn á markteig en Víkingar koma boltanum frá. Þróttarar farnir að sækja í sig veðrið hér í Laugardalnum

Besta hingað til frá heimamönnum. Vilhjálmur bindur enda á fína sókn Þróttara en Róbert Örn varði örugglega. Þetta er mögulega eitthvað til að byggja á fyrir heimamenn

Víkingarnir eru með tökin. Þróttarar eiga í stökustu vandræðum með að ná einhverju taki á þessum leik. Tufa með góðan sprett og uppsker hornspyrnu.

Fyrsta marktækifæri Þróttara. Aron Þórður sendir fyrir og þar mætir Brynjar Jónasar á nærstöngina en er aðþrengdur og skotið fer framhjá á nærstönginni

Deddari! Arnþór fær boltann eftir laglegt stutt spil fyrir framan teig Þróttara. Nær ekki nógu góðri snertingu á boltann og aðvífandi Trausti nær að verja skotið með fótunum.

Fátt að frétta þessa stundina. Bæði lið að reyna að ná fótfestu en gengur erfiðlega að ná flæði í sóknaraðgerðir sínar.

Önnur marktilraun frá gestunum. Aftur var það Arnþór Ingi sem fékk boltann hægra megin í teignum en skot hans yfir og framhjá. Góður séns. Þróttarar þurfa að vakna

Dauðafæri! Óttar Magnús keyrir á nærstöng og mætir fyrirgjöf Ívars en leggur boltann rétt framhjá nærhorninu. Þarna voru heimamenn stálheppnir!!

Hætta eftir vandræðagang hjá Þrótturum. Glopra frá sér boltanum á eigin vallarhelmingi sem endar með skoti Arnþórs Inga en skotið í horn. Halldór Smári skallar svo hornspyrnu Taskovic framhjá

Vandræðagangur. Trausti skellir sér í úthlaup eftir hornspyrnu Vikinga. Lendir í árekstri og missir boltann sem dettur fyrir Víking sem skýtur að marki en boltinn fer af varnarmanni og Þróttarar hreinsa

Fyrsta aukaspyrnan er Víkinga. Brotið á Bjarna Páli. Ákjósanlegt skotfæri

Leikar eru hafnir hér í Laugardalanum. Gestirnir í Víking byrja með knöttinn og sækja í átt að Húsdýragarðinum

Hallur Hallsson leikmaður Þróttar er í hinsta sinn á skýrslu sem leikmaður. Ferðalag Halls með félaginu hefur verið viðburðaríkt. Hallur ber fyrirliðabandið í dag í fjarveru Karls Brynjars sem er í leikbanni

Jæja liðin tvö eru í óðaönn að hita upp hér í Laugardalnun. Allt klárt og tónlistin ómar

Magnús Gylfason þúsundþjalasmiður hjá Knattspyrnusambandi Íslands spáði í umferðina um daginn Þróttur - Víkingur 1 - 1 \"Leikur sem skiptir litlu máli fyrir bæði lið. Þeir leyfa örugglega leikmönnum að spila sem hafa komið minna við sögu\". sagði Maggi Gylfa um leik dagsins hér í Laugardalnum.

Miðvörðurinn geðþekki Karl Brynjar Björnsson er meðal áhorfenda hér í dag en Karl Brynjar tekur út leikbann. Hjá Víkingum vantar hinsvegar Alex Frey Hilmarsson sem tekur út sína refsingu fyrir fjórar áminningar

Síðasti leikur þessara liða á Víkingsvelli endaði með dramatískum 2-0 sigri Víkinga. Mörkin skoruðu Óttar Magnús Karlsson á 90+2 og Gary Martin á 90+4

Dómari leiksins er Pétur Guðmundsson. Honum til halds og traust eru Eðvarð Eðvarðsson og Óli Njáll Ingólfsson. Varadómari er Tómas Orri Hreinsson og eftirlitsmaður KSÍ er Guðmundur Stefán Maríasson.

Tölfræðihornið - Víkingur Reykjavík Gestirnir í Víkingi hafa átt köflótt tímabil og finna sig í dag í 8.sæti. Víkingar geta slegið stigamet sitt í Pepsideidinni sigri þeir leikinn í dag en metið settu þeir tímabilið Stigasöfnun Víkingur hefur safnað alls 29 stigum af þeim 63 sem í boði hafa verið. Víkingar uppskera að meðaltali 1,4 stig í leik. Sigrar - Jafntefli - Töp 8 sigrar 5 jafntefli 8 töp --- Vikingar sigra að meðaltali í Gera jafntefli í tæplega fjórða hverjum leik. Víkingar tapa að meðaltali Liðið Víkingur R. hefur notað 25 leikmenn í sumar. Liðið skorar að meðaltali tæp 1,3 mörk í leik Liðið fær á sig að meðaltali rétt tæp 1,5 mörk í leik Markahæsti leikmaður liðsins er hinn ungi Óttar Magnús Karlsson með 7.mörk í 19 leikjum Útivöllurinn Víkingar hafa sótt í sumar 6 stig á útivöll Síðasti sigurleikur þeirra á útivelli leit dagsins ljós 22.maí gegn ÍBV --- 1 sigur 3. jafntefli 5 töp --- Skora að meðaltali 0,7 mörk á útivelli. Fá á sig að meðaltali 1,9 mörk í leik. Agamál Víkingar hafa fengið í sumar 38 gul spjöld. Að meðaltali gerir það 1,8 gul spjöld í leik

Tölfræðihornið - Þróttur Reykjavík Heimamenn í Þrótti eru eina liðið í Pepsi sem er nú þegar fallið. Með jafntefli í Árbænum um síðustu helgi varð það endanlega ljóst að þeir gætu ekki bjargað sér frá falli og Inkasso deildin hlutskipti þeirra að ári. Stigasöfnun Eins og öðrum liðum í Pepsi deildinni hefur Þrótti staðið til boða 63 stig. Þróttur hefur safnað alls 14 stigum af þeim 63. stigum sem í pottinum voru. Að meðaltali nær Þróttur í tæplega 0,7 stig að meðaltali í leik. Sigrar - Jafntefli - Töp 3 sigrar 5 jafntefli 13 töp --- Þróttur vinnur að meðaltali 7. hvern leik Þróttur gerir jafntefli í tæplega fjórða hverjum leik. Þróttur tapar að meðaltali tæplega tveimur af hverjum þremur leikjum. Liðið Þróttur hefur alls notað 30 leikmenn í sumar. Ekkert lið í deildinni hefur notað fleiri leikmenn. Liðið skorar að meðaltali 0,9 mörk að meðaltali í leik Liðið fær á sig að meðaltali 2,3 mörk í hverjum leik Markahæstir eru Vilhjálmur Pálmason og Brynjar Jónasson með 3. mörk hvor. Heimavöllurinn Gervigrasið í Laugardal hefur skilað Þrótti í sumar: 9 stigum alls --- 2 sigrar 3. jafntefli 5 töp --- Skora að meðaltali 1 mark í leik. Fá á sig að meðaltali 2,2 mörk í leik Agamál Þróttarar hafa fengið í sumar 56 gul spjöld. Að meðaltali gerir það 2,7 gul spjöld í leik Þrisvar sinnum hefur Þróttara verið vikið af velli í sumar. Sekir eru Aron Þórður Albertsson, Tonny Mawejjie og reynsluboiltinn Hallur Hallsson

Jú verið þið margblessaðir landsmenn góðir í sprelllifandi textalýsingu úr Laugardalanum þar sem Þróttur og Víkingur Reykjavík mu mætast klukkan 1400.