FYLKIR FELLUR (STAÐFEST) KR NÆR EVRÓPUSÆTI (STAÐFEST) Viðtöl og skýrsla á leiðinni.

Óskar Örn komst í fínt færi innan teigs en skotið hans fór naumlega framhjá.

Jeppe í fínu færi en skotið hans fer hársbreidd framhjá markinu.

Ásgeir Börkur fær aðhlynningu. Hann er eitthvað meiddur en eins og áður hefur komið fram, er Fylkir búinn með sínar skiptingar.

ÞVÍLÍK BJÖRGUN!! Tonci á góðan skalla sem er á leiðinni í markið en Aron Bjarki bjargar fáranlega vel á línu. Þetta var fastur skalli en viðbrögð Arons voru ótrúleg.

Pálmi Rafn á sendingu á Morten Andersen sem er í góðu færi en Ólafur er vel staðsettur og ver skotið hans.

FÆRI! Albert Brynjar kemst í mjög góða stöðu vinstra megin og er Alvaro mættur í teiginn. Fyrirgjöf Alberts er hins vegar léleg og beint í varnarmann. Boltinn berst svo á Arnar Braga sem á skot langt framhjá.

Sem betur fer fyrir hann og Fylki er markmaðurinn staðinn upp og heldur leik áfram.

Ólafur Íshólm liggur eftir meiddur. Fylkir má alls ekki við því enda eru skiptingarnar þeirra búnar.

Fylkismenn að lifna aðeins við. Alvaro átti hættulegt skot sem fór í Indriða og eftir smá klafs í teignum endar boltinn hjá Stefáni Loga.

Fazlagic reynir skot á horni vítateigsins en það fer naumlega yfir, fín tilraun.

Sito reynir skot úr virkilega þröngu færi og fer það í hliðarnetið.

FÆÆÆÆRI!!! Andri Þór með góða fyrirgjöf á Garðar Jó sem er í ljómandi góðu færi en skotið hans fer yfir markið. Markið var nánast opið en afgreiðslan var óvenju slæm hjá Garðari.

Fazlagic er í fínni stöðu hinum megin en skotið hans fer yfir markið.

Albert Brynjar skallar hornspyrnu frá Alvaro yfir markið. Stefán Logi kom með lélegt úthlaup en sem betur fer fyrir hann, var skallinn slappur.

Indriði með skemmtilega tilraun eftir hornspyrnu en skotið hans fer yfir markið.

KR-ingar eru mikið betri aðilinn. Fylkismenn eru að falla.

Marko liggur aftur eftir. Það var mjög augljóst að hann var ekki heill heilsu áðan.

Tonci Radovinkovic skallar langt innkast Arnars Braga að marki en Stefán á ekki í vandræðum með að grípa boltann.

Marko er ekki alveg heill heilsu en virðist ætla að halda leik áfram.

Marko Pridigar, markmaður Fylkis er eitthvað meiddur og fær aðhlynningu.

Enn er Chopart að ógna, nú kemst hann í fína stöðu, rétt utan teigs en skotið hans hittir ekki markið.

FÆRI!! Morten Beck Andersen er í góðri stöðu innan teig þegar hann leggur boltann út á Chopart sem er í góðu færi en skotið hans fer naumlega framhjá. Fylkismenn ráða illa við Danana í sókn KR.

Afskaplega rólegur leikur þessa stundina. Fylki gengur illa að skapa færi og KR-ingum virðist líða mjög vel, 1-0 yfir.

Óskar Örn með skot af löngu færi en yfir fer boltinn. Leikurinn frekar jafn þessa stundina en KR-ingar eru hættulegri þegar þeir sækja.

Ásgeir Eyþórs, sem er að spila í vinstri bakverði, átti góða fyrirgjöf sem Albert Brynjar rétt missir af.

Sókn hjá Fylki. Albert Brynjar fer upp vænginn og á fyrirgjöf á Arnar Braga sem á slakt skot, hátt yfir markið.

DAUÐAFÆRI!! Chopart reynir skot af löngu færi sem fre beint á Pridigar, Slóveninn heldur hins vegar ekki boltanum og ver hann beint fyrir fætur Fazlagic, hann nær fínu skoti en þá ver Pridigar aftur, í þetta skiptið er varslan algjörlega mögnuð.

Fylkismenn fara vel af stað og ætla að sækja á KR-inga snemma leiks.

Fylkismenn byrja með boltann og leika í átt að KR-heimilinu.

Gunnar Jarl Jónsson, dómari leikins, fær hér verðlaun en hann var valinn besti dómari Pepsi-deildarinnar af leikmönnum.

Oddur Ingi Guðmundsson, Garðar Jóhansson og Ásgeir Örn Arnþórsson byrjuðu gegn Víkingi Ó. en þeir eru komnir á bekkinn.

KR-ingar stilla upp sama byrjunarliði og gegn Víkingi Ó. í síðasta leik. Hjá Fylki koma Arnar Bragi Bergsson, Emil Ásmundsson og Sonni Ragnar Nattestad en sá síðastnefndi kemur til baka úr banni.

- KR nær Evrópusæti með sigri ef Stjarnan eða Breiðablik vinna ekki. - KR á þó tölfræðilegan möguleika á að ná Evrópusæti með sigri þó bæði Stjarnan og Breiðablik vinna en liðið þarf þá að vinna upp markatölu Blika, munurinn er fjögur mörk. - Jafntefli gæti nægt KR til að ná Evrópusæti ef Stjarnan tapar með fjögurra marka mun sem er ansi langsótt. - Tapi KR á liðið engan möguleika á Evrópusæti. - Fylkir verður að vinna leikinn til að eiga möguleika á að bjarga sæti sínu. - Fylkir heldur sætinu með sigri ef Víkingur Ólafsvík vinnur ekki Stjörnuna. - Ef Ólsarar vinna Stjörnuna getur Fylkir tölfræðilega haldið sæti sínu með sigri á ótrúlegan hátt ef ÍBV tapar og Fylkir nær að vinna upp markamuninn á liðunum sem er átta mörk. Ansi fjarlægur möguleiki.

Bæði lið þurfa nauðsynlega á stigum að halda af mismunandi ástæðum. KR-ingar eru auðvitað í mikilli Evrópubaráttu á meðan Fylkir fellur ef þeir tapa.

KR 2 - 0 Fylkir ,,Þetta verður nokkuð öruggur KR sigur. Því miður fyrir Fylki þá falla þeir á KR-vellinum,\" sagði Maggi Gylfa sem spáði í lokaumferðina hjá okkur.

Albert Brynjar Ingason - Fylkir Ég er bjartsýnn á sigur, það þýðir ekkert annað. Við höfum sýnt það í síðustu leikjum gegn mjög sterkum liðum hvers megnugur við erum. Ég býst við mjög góðri mætingu úr Árbænum, staðan er erfið en hinsvegar eiga stuðningsmennirnir okkar stórt hrós skilið, stuðningurinn hefur verið frábær og þá sérstaklega í síðustu leikjum.

Aron Bjarki Jósepsson - KR Við erum búnir að grafa okkur upp úr holu sem við komum okkur vel fyrir í í byrjun sumars og það er bara frábært og mjög spennandi að eiga möguleika á því að enda sumarið í Evrópusæti. Við höfum fulla trú á því að þetta falli með okkur. Þetta verður mjög spennandi leikur. Það er alltaf erfitt að mæta Fylki, og sú staða sem þeir eru í auðveldar stöðuna ekki neitt. Það er alveg ljóst að þeir koma til með að selja sig mjög dýrt í leiknum. En við þurfum líka sigur til að ná okkar markmiðum. Ég held að þetta verði bara rosalega skemmtilegur fótboltaleikur.

Hér verður bein textalýsing frá leik KR og Fylkis.