SKÝRSLAN: Danskir dagar.....hjá KR
Hvað réði úrslitum?
Spilamennska KR var klassanum betri en hjá Víkingum. Sennilega besti leikur KR í sumar, allavegana með þeim betri. Virkilega þéttir og ákafir í sínum aðgerðum. Víkingar áttu fá svör spilamennsku vesturbæjarliðsins.
Bestu leikmenn
1. Tobias Thomsen
Skorar tvö mörk og var fjörugur í dag.
2. André Bjerregaard
Kom með góða innkomu inn í lið KR og skoraði í sínum fyrsta leik.
Atvikið
Fyrsta mark KR. Ívar Örn ætlaði að hreinsa frá í teignum en sendi boltann beint á Tobias sem skoraði örugglega.
Hvað þýða úrslitin?
KR kemur sér frá fallbaráttunni með þessum sigri og upp í 8 sæti deildarinnar. Víkingar eru aftur á móti bara á sama róli eða um miðja deild.
Vondur dagur
Varnamenn Víkinga áttu ekki góðan leik, voru óöryggir í sínum aðgerðum sem skilaði því að KR skorar tvö marka sinna.
Dómarinn - 7
Solid leikur hjá dómara leiksins Helga Mikael.