Jájájá! Leik Króata og Finna er lokið! Jafntefli í Króatíu og Íslendingar eru í efsta sæti riðlsins og aðeins leik eftir! Sá leikur er á mánudaginn á Laugardalsvelli klukkan 18:45!

Hressandi viðtöl við leikmenn og þjálfara liðsins koma hér inn á síðuna seinna í kvöld. Auk þess sem fun heitar tölur um einkunnir leikmanna koma einnig inn á næstu mínútum.

ÞAÐ HELD ÉG NÚ! 3-0 sigur Íslands á erfiðum útivelli staðreynd! Frábær leikur hjá öllu liðinu og sigurinn fleytir okkur í efsta sætið í riðlinum. Enn sem komið er... leikur Finna og Króata er enn í gangi.

Ekki nema tveimur mínútum bætt við.

FINNLAND ER BÚIÐ AÐ JAFNA GEGN KRÓATÍU!!! Eins og staðan er núna, þá þarf Ísland einungis sigur gegn Kosovo á mánudaginn til að tryggja sér á HM!

Gylfi Þór með skemmtileg tilþrif við hornfánann. Leikur sér með boltann og fær tvo Tyrki í smá dans. Endar síðan á fyrirgjöf sem fer beint í hendurnar á Babacan í markinu.

Athygli vekur að Ari Freyr er á hægri kantinum eftir að hann kom inná fyrir Jóhann Berg.

Lögreglan á vellinum er farin að umkringja völlinn og stendur nú í röð fyrir framan stúkuna. Hátt í 4000 lögreglumenn eru á vellinum. Ekki nema.

Ég ætla að fara að koma mér niður til að vera klár í viðtölin eftir þennan magnaða leik! Arnar Daði er staddur heima á Íslandi og klárar lýsinguna. Takk fyrir mig!!!

Hættuleg fyrirgjöf úr aukaspyrnu frá Gylfa. Munaði hrikalega litlu að einhver næði að reka tá í knöttinn og skora fjórða markið en boltinn fór framhjá öllum pakkanum á endanum.

Özyakup með fína skottilraun sem Hannes ver glæsilega í horn.

Tyrkir liggja alveg hressilega á okkur núna en eru ekki að ná að skapa sér mörg opin færi. Leikurinn fer algjörlega fram þessar mínútur í og við vítateig Íslands.

Tyrkir skalla naumlega yfir eftir hornspyrnu.

Nú eru Tyrkir að ógna duglega. Özyakup var í hættulegri stöðu en Kári náði að loka vel á hann. Svo fengu Tyrkir aukaspyrnu á hættulegum stað en skotið yfir.

Nota tækifærið og minni á að við munum fjalla ítarlega um þennan leik í útvarpsþættinum Fótbolti.net á X977 á morgun laugardag milli 12 og 14. Nýkomnir með stigin þrjú frá Tyrklandi. Arnar Grétarsson verður með mér, Tómasi og Magga.

Tyrkirnir eru alveg steingeldir. Mótspyrnan fer hrikalega illa í þá. Þetta er ótrúleg stund!!!

Ætla að nota þessa færslu í að tilkynna það að ég elska ykkur öll.

Alfreð nálægt því að skora í tvígang!!! En Volkan náði að verja. Tyrkir farnir að leggja allt kapp á sóknina og þá opnast þeir til baka.

Þegar þessir gæjar fara í íslenska landsliðsbúninginn... þvílíkir menn.

Ég er varla í andlegu jafnvægi til að vera með þessa textalýsingu. Vá vá vá. Það er samt nóg eftir. Gleymum því ekki... úfff.

Jói Berg með skot úr þröngu færi. Varið.

Tyrknesku stuðningsmennirnir baula á sína leikmenn! Það er rosalegt dæmi í gangi hérna. ROSALEGT!!!

Gylfi fær skotséns, boltinn í varnarmann og afturfyrir. Horn. Darraðadans eftir hornið en Volkan nær að handsama knöttinn!

Íslenska liðið lét boltann ganga vel á milli sín. Alfreð átti svo skot fyrir utan teig sem fór hátt yfir.

Tyrkir komust í vænlega stöðu en Birkir Bjarnason las sendingu og bjargaði málum. Vel gert Birkir!

Farið að kólna hér í Eskesehir en áhorfendur sjá til þess að þeim verður ekki kalt. Hoppa, klappa og öskra eins og enginn sé morgundagur. Röddin á mér væri löngu farin.

Birkir Bjarna með fyrirgjöf sem fer í Tyrkja. Birkir vill fá dæmda hendi á hann, og hann var fyrir innan teig. Ekkert segir dómarinn.

Íslendingar eru kannski í miklum minnihluta á vellinum en Valtýr Björn lætur vel í sér heyra og er duglegur að öskra á dómarann. Alvöru maður.

Jói Berg búinn að brjóta af sér eftir að hann fékk gula spjaldið. Hann verður að gæta sín!

Oguzhan Özyakup með skot framhjá.

Tyrkir mikið að skipta sér af dómaranum. Óþolandi. En áfram gakk. Sautján mínútur búnar og við höfum fengið hættulegri færi. Það er staðreynd!

Ísland hefur fengið slatta af hornum og nú var að myndast STÓRHÆTTA eftir eitt slíkt! Eftir að boltinn hafði ferðast aðeins um teiginn datt hann á Ragga Sig sem skallaði á markið, skallinn laus og Tyrkir björguðu á línu!

Birkir Bjarna kemst inn í teiginn vinstra meginn og á fasta sendingu með jörðinni á Jón Daða sem er aðþrengdur en skýtur í varnarmann og í horn. Kári Árna skallar framhjá úr horninu. Lítil hætta.

Tyrkir í hættulegri sókn sem endar með skoti himinhátt yfir.

Hörður Björgvin skallar yfir eftir horn. Ekki mikill kraftur í þessum skalla enda Hörður ekki í góðu jafnvægi þegar hann fékk boltann til sín.

VÁÁÁÁ!!!! GYLFI MEÐ SVAKALEGA MARKTILRAUN! Fyrst átti Jói Berg skot sem fór í varnarmann og barst til Gylfa rétt fyrir utan teiginn. Gylfi lét vaða og náði hörkuskoti sem Volkan í marki Tyrkja rétt náði að slá yfir í hornspyrnu!

Tyrkir að sækja. Kári hreinsar boltann frá en áfram halda Tyrkir að setja pressu. Okkar menn verjast fimlega.

Birkir Bjarnason með fyrstu marktilraun leiksins! Lét vaða af aaansi góðu færi en hitti boltann bara alls ekki. Langt framhjá.

Ísland byrjaði með knöttinn. Það er SVAKALEG stemning hér á vellinum.

Þjóðsöngvarnir að baki! Það voru hreinlega mögnuð stund þegar þjóðsöngur Tyrkja var spilaður. Fólk tók svo sannarlega undir. Það eru fánar um allan völl. Hér í Tyrklandi eru ekki áhorfendur heldur stuðningsmenn... stuðningsmenn sem eru reyndar fljótir að snúast gegn sínu liði í mótlæti.

Staðan #fotboltinet pic.twitter.com/rvvL6P61Mo

— Fótbolti.net (@Fotboltinet) October 6, 2017

Þýðing á því sem stendur þá fánanum: 80 milljónir á leið á HM.

Heyrum örstutt hvað Eiður Smári hafði að segja um byrjunarlið Íslands...

Þetta er náttúrulegasta breytingin á liðinu segir @Eidur22Official. Eiður veit. pic.twitter.com/sgVCg5YbJj

— RÚV Íþróttir (@ruvithrottir) October 6, 2017

Eðal félagsskapur í fréttamannastúkunni. Gummi Hilmars frá Mogganum í næsta sæti. Gummi hefur verið við hlið mér á ófáum landsleikjum erlendis og þeir hafa flestir endað vel. Vonandi bætist þessi á þann góða lista!

Liðin eru mætt út á völlinn að hita og lætin stigmagnast með hverri mínútu. Ísland er að fara að spila í hvítum treyjum í kvöld. Koma svooo!!!

Björn Bergmann er meiddur og er ekki skráður á bekkinn. Kjartan Henry Finnbogason var kallaður inn í hans stað. Hægt er að sjá byrjunarliðin hér til hliðar.

Byrjunarlið Íslands er komið inn og má sjá hér að neðan. Ísland fer aftur í 4-4-2 þar sem Alfreð og Jón Daði spilar í fremstu víglínu. Aron Einar Gunnarsson byrjar leikinn og þá er Kári Árnason með Ragga í hjarta varnarinnar og Sverrir Ingi því á bekknum. Endilega verið með í umræðu um leikinn með kassamerkinu #fotboltinet á Twitter!

Strákarnir okkar mættir út á völl að rölta um og skoða aðstæður. Baulað hressilega á þá. Fólk er veifandi tyrkneskum fánum og mikið stuð.

Stuðningsmenn Tyrkja eru þekktir fyrir það að láta vel í sér heyra og það verða engar áhættur teknar á leiknum. Á vellinum eru starfandi 4.000 lögreglumenn og þá eru líka 550 öryggismyndavélar staðsettar á vellinum.

Ísland vann 2-0 sigur gegn Tyrkjum í fyrri umferðinni. Theodór Elmar Bjarnason og Alfreð Finnbogason skoruðu mörkin en nánar má lesa um leikinn með því að smella hérna.

Dómari leiksins er Pólverjinn Szymon Marciniak. Hann dæmdi sigurleik Íslands gegn Austurríki á EM í fyrra þar sem Arnór Ingvi Traustason skoraði flautumark sem tryggði Íslandi leik gegn Englendingum í Hreiðrinu í Nice.

Það eru bara tvær umferðir eftir af riðlinum og Ísland í hörkubaráttu um að komast á HM í Rússlandi. Eftir þennan leik heldur Ísland heim á leið og mætir Kosóvó á mánudaginn. Leikurinn í kvöld er einnig gríðarlega mikilvægur fyrir Tyrkina. Magnús Már Einarsson fer betur yfir stöðuna í riðlinum í samantekt sem má nálgast hér.

Heil og sæl! Verið hjartanlega velkomin í beina textalýsingu frá risaleik Tyrklands og Íslands sem fram fer á glænýjum leikvangi hér í Eskisehir. 35 þúsund manna völlur og það má búast við bilaðri stemningu eins og venjan er þegar Tyrkir spila kappleiki!